Жиззах вилояти Зомин туманида юк машинаси ёниб кетди. Ҳолат юзасидан вилоят ФВБ маълумот берди.
Унда келтирилишича, 7 март куни соат 11:40 ларда Зомин тумани Даштобод шаҳарчасида Зил-130 русумли юк автомобилида ёнғин чиққани тўғрисида вилоят ФВБга хабар келиб тушган. Хабарга асосан, воқеа жойига Зомин тумани ФВБнинг ёнғин-қутқарувчилари соат 11:44 да етиб бориб, ёнғин 12:05 да батамом ўчирилган.
Ёнғин натижасида юк автомобилининг матор ва салон қисми ёниб зарарланган. Фуқароларнинг куйиш, тан жароҳати олиши ва ҳалок бўлиш ҳолатлари қайд этилмаган.
Бундан аввалги ҳолатлар
2024 йил 3-ноябрь куни ҳам Қамчиқ довонида юк автомобилида қисқа туташув сабабли ёнғин юзага келганди.
Шунингдек, Қамчиқ довонида 5 ноябрь куни соат 13:30 ларда юк машинаси ёниб кетганди.
Декабрь ойи охирида Қашқадарё ва Тошкентда машиналар ёниб кетганди.
Февраль ойининг 2-санасида Тошкентнинг Янгиҳаёт туманида машина ёниб кетган.
