UFC промоушени ўрта вазн тоифасида жанг қилувчи ўзбекистонлик спортчи Маҳмуд Муродов билан шартномани бекор қилди.
Ушбу хабарни Муродовнинг ўзи Интаграм саҳифасида тасдиқлади.
“Ҳозиргина Истанбулга келдим. Аэропортда турибман. Худди сиз каби мен ҳам энди UFC жангчиси эмаслигим ҳақидаги хабарни эшитдим. Тўғриси, бу хабар шокка туширди. Менежерим билан боғландим, кўрамиз нима бўларкан. Сабаби нимада эканлигини билмайман. Буни билгач, албатта, сизга хабар бераман”, — дейди спортчи ўз саҳифасида.
Эслатиб ўтамиз, Маҳмуд Муродов UFC’даги сўнгги жанггини февраль ойида россиялик Алиасхаб Хизриевга қарши ўтказиб, кўзидан жароҳат олган эди.
Мазкур жанг ташкилотчилар томонидан бекор қилинганди.
Маълумот учун, Муродов UFC’даги дебют жангида италиялик Алессио ди Кирикони очколар ҳисобига кўра, иккинчи жангида Тревор Смитни учинчи раундда нокаут эвазига мағлубиятга учратган. Учинчи жангида Маҳмуд Эндю Санчесни нокаутга учратганди. Тўртинчи жангда Жералд Миршертга имкониятни бой берганди. Бундан аввалги жангда эса бразилиялик Каё Борральога мағлуб бўлганди. Шунингдек, Брайан Барберена билан жангда ғалабани қўлга киритганди.
