Ўзбекистондаги тижорат банкларида доллар курси 10 660 сўмга қадар кўтарилди

Ўзбекистондаги бир нечта тижорат банклари 15 июнь куни доллар валютасининг сўмга нисбатан курсини оширди.

Аксарият банклар 1 АҚШ долларини 10 560 сўмга сотиб олишни, 10 660 сўмга сотишни таклиф қилмоқда. Эслатиб ўтамиз, май ойида доллар курси 10 650 сўмга қадар кўтарилган, июнь бошида эса 10 600 сўмга қадар тушганди. 14 июнь куни доллар валютасининг сўмга нисбатан курси яна 10 650 сўмга қадар ошди.

Қуйида долларнинг янги қийматини эълон қилган айрим банклар келтирилган:

• «Агробанк» сотиб олиш — 10 580, сотиш — 10 660;
• Asia Alliance Bank: сотиб олиш ­­— 10 600, сотиш — 10 660;
• NBU: сотиб олиш — 10 590, сотиш – 10 660;
• Orient Finans Bank: сотиб олиш — 10 560, сотиш — 10 660;
• «Савдогар банк»: сотиб олиш — 10 560, сотиш — 10 660.

Марказий банк февраль ойи ўрталаридан бошлаб доллар курсини аввалгидек ҳар ҳафта эмас, ҳар иш куни эълон қилиб бормоқда.

Мавзуга доир: S&P Ўзбекистон рейтингини «BB-» даражасида сақлаб қолди, бироқ прогнозни оширди