O‘zbekistondagi bir nechta tijorat banklarida 4-iyun kuni dollar valyutasining so‘mga nisbatan kursi pasaydi, deb xabar bermoqda Spot.

Foto: “Daryo”

Aksariyat banklar 1 AQSh dollarini 10 510 so‘mga sotib olishni, 10 590 so‘mga sotishni taklif qilmoqda. May oyida tijorat banklarida dollar kursi 10 650 so‘mga qadar ko‘tarilgandi.

Markaziy bank bo‘yicha dollarning rasmiy kursi 4-iyun holatiga ko‘ra 10 539,20 so‘mni tashkil qilmoqda.

Eslatib o‘tamiz, Markaziy bank fevral oyi o‘rtalaridan boshlab dollar kursini avvalgidek har hafta emas, har ish kuni e’lon qilib bormoqda.