Тошкентнинг Чилонзор туманида 3 машина иштирокида юз берган ЙТҲда 5 киши жароҳат олди. Бу ҳақда ЙҲХББ хабар берди.
Дастлабки маълумотларга кўра, ҳодиса 4 июнь куни соат 10:50 ларда, Тошкент шаҳар, Чилонзор тумани, Байналминал кўчасида жойлашган 26-уй рўпарасида юз берган. Nexia-3, Lacetti ва Mercedes-Benz автомобиллари тўқнашган.
Тўқнашув оқибатида Mercedes-Benz ҳайдовчиси ва уч нафар йўловчиси, шунингдек, Lacetti’да бўлган бир нафар йўловчи тан жароҳати билан шифохонага олиб кетилган.
Мазкур ЙТҲ юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилиб, тўқнашув содир бўлиш сабабларига ойдинлик киритилмоқда.
Аввалроқ Термизда Президент кортежидаги автомобиль иштирокида ЙТҲ юз бергани ҳақидаги хабарлар рад этилгани, Ургутда радиаторига сув қуйиш учун тушган ҳайдовчининг «Газель»и жарликка тушиб кетгани, Қашқадарёда бошқарувни йўқотган Cobalt ҳайдовчиси ЙТҲга учраб, вафот этгани ҳақида хабар берилган эди. Мавзуга доир:- Фатво: Юқори тезлик сабаб ўлган ҳайдовчининг мақоми ўз жонига қасд қилганники билан тенг
- Катта тезликда машина ҳайдаш оқибатида вафот этган ҳайдовчига жаноза ўқилади — Ўзбекистон мусулмонлари идораси
- Ўзбекистондаги йўл ҳаракати соҳасидаги муаммоларни ўрганиш ва уларни бартараф этиш бўйича ишчи гуруҳ тузилди
