Наманган шаҳрида 18 декабрь куни тўрт нафар ўсмир қаровсиз қолдирилган Spark автомобилини олиб қочди ва йўл-транспорт ҳодисаси содир этди. Бу ҳақда Ички ишлар вазирлиги ҳузуридаги Тергов департаменти хабар берди.
Маълум қилинишича, 2020 йилнинг 18 декабрь куни соат 23:50 да номаълум шахслар Наманган шаҳар «Истиқбол» МФЙда жойлашган «Дилрабо Файз» оилавий корхона олдида фуқаро Фозилжон К. томонидан қолдириб кетилган Spark машинасининг калитини ўзида эканлигидан фойдаланиб, автомашинани номаълум томонга олиб қочиб кетган.
Олиб борилган тезкор-қидирув тадбирлари натижасида, мазкур жиноят вояга етмаганлар 14 ёшли Шерзод Ш., 16 ёшли Акмал Ў., 15 ёшли Неъматжон М. ва 16 ёшли Билол Т. томонидан содир этилганлиги аниқланган. Spark эса «Истиқбол» маҳалласида «Ваз-2106» автомашинаси билан ЙТҲ содир қилган ҳолатда топилган.
Ҳолат юзасидан мазкур ўсмирларга нисбатан Наманган шаҳри бўйича ИИО ФМБ ҳузуридаги Тергов бўлими томонидан Жиноят кодексининг 267-моддаси 2-қисми «б» банди (транспорт воситасини олиб қочиш) билан жиноят иши қўзғатилган.
Дастлабки тергов жараёнида, Шерзод Ш., Акмал Ў., Неъматжон М. ва Билол Т. жиноят ишида айбланувчи тариқасида ишда иштирок этишга жалб қилинган. Шерзод Ш., Акмал Ў., Неъматжон М.га нисбатан уй қамоғи, Билол Т.га нисбатан эса қамоққа олиш тарзидаги эҳтиёт чораси қўлланилган. Ҳозирда тергов ҳаракатлари давом этмоқда. Мавзуга доир:- Сурхондарёда 14 ёшли «ҳайдовчи» халқаро аҳамиятга эга йўлда Лабо ҳайдаб кетаётгани аниқланди (видео)
- Фарғонада ҳайдовчилик гувоҳномаси бўлмаган 17 ёшли ўқувчи ЙТҲ содир этиб, пиёданинг ўлимига сабаб бўлди (видео)
- Жиззахда синфдош қизларни масинада сайр қилдирмоқчи бўлган 9-синф ўқувчиси ЙТҲ содир этди (видео)
- Андижонда ЙПХ ходими 5-синф ўқувчиси Nexia ҳайдаб кетаётганини аниқлади
