Фарғона водийсида 13 сентябрь куни Тошкент вақти билан соат 05:13 да зилзила қайд этилди, дея хабар бермоқда ФВВ Сейсмопрогностик мониторинг Республика маркази.
Хабар беришларича, зилзила эпицентри Тошкент шаҳридан 211 километр жануби-шарқий йўналишда жойлашган бўлиб, ўчоғи 6 километр чуқурликда, магнитудаси 3 га тенг бўлган.
Ерости силкинишлари кучи Наманган шаҳрида (зилзила эпицентридан 19 километр масофада) 3 баллни, Андижон (57 километр) ва Фарғона (51 километр) шаҳарларида 2 баллни ташкил этган.
Маълумот учун, Ўзбекистонда сентябрь ойида бундан аввал ҳам зилзилалар кузатилган эди. Хусусан, 1 сентябрь, 7 сентябрь, 8 сентябрь ва 9 сентябрь кунлари ерости силкинишлари юз берганди.
