Eldor Shomurodov gol urgan bahsda “Kalyari” mehmonda “Inter” bilan durang o‘ynadi (video)

Futbol bo‘yicha Italiya A Seriyasining 32-turida “Kalyari” 14-aprel, yakshanba kuni “Inter”ga qarshi bahs olib bordi.

Ushbu bahsda Eldor Shomurodov harakat qilayotgan “Kalyari” “Inter” jamoasi bilan mehmonda durangga imzo chekdi. 

Dastlab, Tyuram hisobni ochgan bo‘lsa, Shomurodov chiroyli zarba bilan gol urib, hisobni tenglashtirdi. Oradan ko‘p o‘tmay Chalxanoglu penaltini aniq amalga oshirdi. Murakkab raqib bilan harakat qilishiga qaramay mehmonlar hisobni tenglashtirishga muvaffaq bo‘lishdi.

Ushbu bahsdan keyin “Kalyari” turnir jadvalida 14-o‘rinda qoldi. “Inter” chempionlik yo‘lida davom etmoqda. 

A Seriya

32-tur bahsi

14-aprel, yakshanba

“Inter” — “Kalyari” 2:2

Gollar: 1:0 – Tyuram (12), 1:1 – Shomurodov (64), 2:1 – Chalxanoglu (74), 2:2 – Viola (82)

“Inter”: Zommer, Darmian (Dumfris, 75), Acherbi, Bastoni (Byukenen, 86), Bissek, Dimarko (Karlos Augusto, 76), Mxitaryan (Frattezi, 64), Chalxanoglu, Barella, Sanches (Arnautovich, 76), Tyuram.

“Kalyari”: Skuffet, Di Pardo (Dzappa, 78), Mina, Xatsidyakos (Veteska, 88), Obert, Audjello, Yankto (Prati, 29), Makumbu, Sulemana, Luvumbu (Viola, 78), Eldor Shomurodov (Lapadula, 78).