Fransiyadan bo‘lgan EuroMillions Yevropa lotereyasi ishtirokchisi mamlakat uchun rekord darajadagi 250 million yevro miqdoridagi jekpotni qo‘lga kiritdi. Bu haqda FDJ United nazoratchi tashkiloti ma’lum qildi.
Ta’kidlanishicha, bu ushbu lotereya qoidalarida belgilangan eng yuqori miqdor hisoblanadi.
G‘olib yettita raqamning barchasini, shu jumladan ikkita maxsus yulduz raqamini to‘g‘ri topgan. Bu unga bosh mukofotni qo‘lga kiritish imkonini berdi.
Mamlakatda ilgari hech kim bunday katta miqdordagi pulni yutmagan edi. Bu g‘alaba Fransiyadagi avvalgi rekordni yangilagan. Bundan oldin, 2021-yil oktyabr oyida Fransiya Polineziyasi fuqarosi 220 million yevro yutib olgan edi.
Joriy yilning iyun oyida irlandiyalik 250 million yevro yutib oldi va shu bilan EuroMillions lotereyasida rekord o‘rnatgan birinchi inson bo‘ldi.
EuroMillions lotereyasi - 2004-yil 7-fevralda ishga tushirilgan xalqaro lotereya hisoblanadi. Dastlab unda faqat Buyuk Britaniya, Fransiya va Ispaniya ishtirok etgan. Keyinchalik o‘yinga Avstriya, Belgiya, Irlandiya, Lyuksemburg, Portugaliya va Shveysariya qo‘shilgan. EuroMillions qoidalari g‘oliblarga anonimlikni saqlash imkonini beradi va odatda katta yutuq egalari bundan foydalanadilar.
Joriy yil 17-avgust kuni AQSHning Merilend shtatida bo‘lib o‘tgan BMW Championship golf turnirida britaniyalik golfchi Tommi Flitvud o‘yinda faxrli 4-o‘rinni egallashiga oddiy pashsha yordam bergani xabar qilingandi.
Izoh (0)