Франциядан бўлган EuroMillions Европа лотереяси иштирокчиси мамлакат учун рекорд даражадаги 250 миллион евро миқдоридаги жекпотни қўлга киритди. Бу ҳақда FDJ United назоратчи ташкилоти маълум қилди.
Таъкидланишича, бу ушбу лотерея қоидаларида белгиланган энг юқори миқдор ҳисобланади.
Ғолиб еттита рақамнинг барчасини, шу жумладан иккита махсус юлдуз рақамини тўғри топган. Бу унга бош мукофотни қўлга киритиш имконини берди.
Мамлакатда илгари ҳеч ким бундай катта миқдордаги пулни ютмаган эди. Бу ғалаба Франциядаги аввалги рекордни янгилаган. Бундан олдин, 2021 йил октябрь ойида Франция Полинезияси фуқароси 220 миллион евро ютиб олган эди.
Жорий йилнинг июнь ойида ирландиялик 250 миллион евро ютиб олди ва шу билан EuroMillions лотереясида рекорд ўрнатган биринчи инсон бўлди.
EuroMillions лотереяси - 2004 йил 7 февралда ишга туширилган халқаро лотерея ҳисобланади. Дастлаб унда фақат Буюк Британия, Франция ва Испания иштирок этган. Кейинчалик ўйинга Австрия, Бельгия, Ирландия, Люксембург, Португалия ва Швейцария қўшилган. EuroMillions қоидалари ғолибларга анонимликни сақлаш имконини беради ва одатда катта ютуқ эгалари бундан фойдаланадилар.
Жорий йил 17 август куни АҚШнинг Мериленд штатида бўлиб ўтган BMW Championship голф турнирида британиялик голфчи Томми Флитвуд ўйинда фахрли 4-ўринни эгаллашига оддий пашша ёрдам бергани хабар қилинганди.
Изоҳ (0)