Анқарага ташриф доирасида Шавкат Мирзиёев ва рафиқаси Туркия президенти Ражаб Тоййиб Эрдўғон ҳамда рафиқаси ҳамроҳлигида Туркия халқ амалий санъати ва таомлари кўргазмасига ташриф буюрди. Бу ҳақда Президент матбуот хизмати хабар берди.
.jpg)
Олий мартабали меҳмонларга халқ ижоди жамоаларининг театрлаштирилган чиқишлари намойиш этилди. Маданий алмашинувлар қардош халқларимизни яқинлаштириш ва дўстлигини мустаҳкамлашда муҳим ўрин тутиши қайд этилди.
.jpg)
.jpg)
Шу билан Анқара шаҳридаги самарали Ўзбекистон-Туркия саммити якунланди. Шавкат Мирзиёевнинг расмий ташрифи доирасида қатор олий даражадаги тадбирлар ўтказилди. Давлат раҳбарлари тор доирада учрашув ва Стратегик ҳамкорлик кенгашининг учинчи йиғилишини ўтказдилар.
Музокаралар якунида икки давлат ўртасидаги кенг қамровли стратегик шерикликни чуқурлаштириш тўғрисида қўшма декларация ва 19 та икки томонлама ҳужжат имзоланди. Президентлар илк бор етакчи корхона ва компаниялар раҳбарлари билан қўшма учрашув ўтказди.
Давлат раҳбарини Туркиянинг олий давлат мукофоти – “Туркия Республикаси нишони” билан тақдирлаш маросими бўлиб ўтди. Ташриф тадбирлари якунланганидан сўнг, “Эсонбуға” халқаро аэропортида Шавкат Мирзиёев ва рафиқасини президент Ражаб Тоййиб Эрдўғон ва рафиқаси кузатиб қўйди.
.jpg)
Изоҳ (0)