Электрон тўловлар бўйича етакчи оператор бизнесдаги янги чўққилар забт этилгани, айланма ва фаол фойдаланувчилар сони рекорд даражада ўсгани ҳақида гапириб берди.
Paynet — аҳоли ва бизнес учун кенг кўламли хизматларни тақдим этувчи Ўзбекистондаги электрон тўловлар провайдери. Тизим ҳар куни одамларга хизматлар ва товарлар учун офлайн ва онлайн тўловлар билан боғлиқ муаммоларни ҳал қилишда ёрдам беради: карталарни нақд пул билан тўлдиришдан тортиб, хорижий хизматлар учун тўловларгача. Компания кўплаб банклар ва молия корхоналари билан интеграциялашган, бу эса Paynet иловасидан аҳолининг кенг доираси фойдалана олишига имкон беради.
Компанияда фойдаланувчилар учун ҳам, бошқа провайдерлар, яъни Paynet тизими орқали тўловларни амалга оширувчи компания ва хизматлар учун ҳам, имкон қадар қулай ечимларни яратишга ҳаракат қилишмоқда.
Айни дамда Paynet барча тўлов бўйича энг йирик агрегатор ҳисобланади. Paynet билан шартнома тузиш провайдерлар учун жисмоний ва юридик шахсларнинг кенг аудиториясига йўл очади.
2023 йилда компания мамлакатда амалга оширилган тўловлар сони бўйича етакчига айланди. Ўша йилнинг ўзида товар айланмаси 49,2 триллион сўмни, 2024 йилнинг биринчи уч ойида эса 20,2 триллион сўмни ташкил қилди. Бундан ташқари, хизмат кўрсатиш соҳасидаги солиқ тўловчиларнинг топ ўнталигидан ўрин оладиган Paynet компанияси ФинТечънинг кам сонли вакилларидан бири ҳисобланади.
Бугунги кунда мазкур электрон тўловлар хизмати 24 мингдан ортиқ тўлов шохобчалари ва ҳар куни қарийб 2 миллион транзакцияга эга.
Операторнинг тарихи узун: у 19 йил аввал 2005 йилда дунёга келган, кейинчалик уни давлат тасарруфига ўтказишган, 2023 йилнинг ноябрь ойида эса Paynet хусусийлаштирилган. Компания биринчилардан бўлиб Ҳумо ва Узcард карталарига фоизсиз ўтказмаларни, шунингдек, тўловлардан 100 фоизгача кешбэкларни жорий қилди.
2023 йил август ойида брендни янгилаш бошланди – компанияда дизайн тизими, бренд ва стратегияни қайта кўриб чиқилди. Тўлов тизими жамоаси мобил илованинг функсионалини сезиларли даражада яхшилади. Кўпгина ўзгаришлардан сўнг, Paynet нафақат ўз ўрнида қолди, балки сезиларли даражада ўсишга ҳам муваффақ бўлди.
Paynet рақамларда
Маълумотларга кўра, 2023 йилнинг 1-чорагидан 2024 йилнинг 1-чорагигача бўлган даврда Paynet айланмаси 74,7 фоизга ўсиб, 12,5 триллион сўмни ташкил этди. Ўтказмалар айланмаси ҳам шу даврда сезиларли даражада ошиб, 7,7 триллион сўмга етди ва 994 фоизга ўсди, бу компаниянинг барқарор ўсиш суръати ва мижозлар ишончидан далолат беради.
Тадбиркорлик фаолиятидан олинган даромад 253 миллиард сўмни ташкил этиб, 160,7 фоизга ўсганлигини кўрсатади, бутун бизнеснинг соф фойдаси эса 200,7 фоизга ошиб, 69 миллиард сўмга етди.
Ҳар ой тўлов амалга оширувчи фойдаланувчиларнинг ўртача сони 29 фоизга ошиб, 18,8 миллион кишини ташкил қилди. “Paynet” мобил иловасини ўрнатишлар сони 310 фоизга ошиб, 5 миллионни ташкил этди, фаол фойдаланувчилар сони эса 5 баробарга кўпайиб, 1,7 миллиондан ошиб кетди.
Хусусийлаштириш жараёни
Хусусийлаштириш жараёни бошланганига бир йилдан ошди. Шу вақт ичида компанияда тизим қайта қурилди, янги ривожланиш стратегияси белгиланди, бугунги кунда эса фойдаланувчилар учун янги хизматларни жорий этиш устида фаол иш олиб борилмоқда - рақамли маҳсулотларни ривожлантириш киришилди.
Тўлов ташкилотларига қўйиладиган меъёрий талаблар муносабати билан, компания Акциядорлик жамиятига айланишга фаол тайёргарлик кўрмоқда. Яқин келажакда кенг фойдаланувчилар доираси учун бир қатор янги маҳсулот ва хизматларни йўлга қўйиш режалаштирилган, бу эса кундалик тўловларни янада қулайроқ қилиш имконини беради.
2023 йил август ойида компания ребрендинг ўтказди. Бугунги кунда Paynet компаниясининг асосий даромад манбалари агентлар тармоғи, инфокиосклар ва мобил илова ҳисобланади. Шу сабабли, оператор режасига ушбу учта йўналишнинг экотизимлилигини ривожлантириш ва тўлов оператори орқали фойдаланувчиларнинг барча асосий молиявий муаммоларини ҳал қилишга эришиш киритилган.
Анвар Исамухамедов, Paynet компаниясининг бош директори
Paynet компаниясининг бош директори, Анвар Исамухамедов, компания учун ижтимоий таркибга таъсир кўрсатиш стратегик жиҳатдан муҳим эканини таъкидлайди: электрон тижоратни ривожлантириш, рақамли трансформацияни рағбатлантириш, яхшироқ ечимларни таклиф қилиш орқали одамларнинг вақт ва ресурсларини тежаш, иш ўринларини яратиш ва, энг муҳими, электрон тўловларда шаффофликни таъминлаш.
“Биз Paynet барқарор ўсиб бораётгани ва мижозлар базасини кўпайтиришда давом этаётганидан фахрланамиз. Бу ажойиб натижалар мижозларнинг ўзгарувчан эҳтиёжларига мослашиш ва электрон тўловлар соҳасида етакчи бўлиб қолишимизни тасдиқлайди”, — дея қўшимча қилади Анвар Исамухамедов.
Одамларга эътибор
Paynet ўз фаолияти давомида турли ҳудуд ва вилоятларни қамраб олиб, юзлаб иш ўринларини яратди. Қолаверса, компания ўз жамоаси учун қўллаб-қувватловчи ва илҳомлантирувчи иш муҳитни яратишга алоҳида эътибор беради.
Шу тариқа, Paynet ҳар бир ходим ўзини қадрли иштирокчи сифатида ҳис қиладиган ва касбий ривожланиш имкониятига эга бўладиган муҳит яратишга интилади.
Paynet офиси
Бундан ташқари, компания чекка туманлар ва қишлоқлардаги ўнлаб агентлар билан ҳамкорлик қилиб, маҳаллий аҳолини қўллаб-қувватлаш молиявий хизматлардан фойдаланишни таъминлаш орқали, маҳаллий ҳамжамиятларнинг ривожланишига фаол ҳисса қўшиб келган. Бу ташаббуслар нафақат бандлик манбаи, балки маҳаллий ҳамжамиятларни ривожлантириш катализаторига айланган.
"Бизнинг масъулиятимиз шунчаки молиявий хизматлар кўрсатиш билан чегараланиб қолмаслигига ишонамиз. Биз ходимларимиз ва маҳаллий ҳамжамиятлар ҳаётининг фаол иштирокчиси бўлишга интиламиз. Мақсадимиз нафақат муваффақиятли бизнес юритиш, балки мамлакат иқтисодиётига ижобий таъсир кўрсатишдир. Бизнинг ишимизда катта эътибор одамларга қаратилиши жуда муҳим”, – деб таъкидлайди Анвар Исамухамедов.
Paynet мамлакатнинг рақамли трансформациясида муҳим рол ўйнайди. Big Data таҳлили каби илғор технологияларни жорий этиш компания стратегиясининг муҳим элементига айланиб бормоқда. Компанияда қайси маҳсулотларга кўпроқ талаб борлигини тушуниш учун фойдаланувчи тўловлари бўйича турли тадқиқотлар олиб борилади. Буларнинг барчаси фойдаланувчига қулайлик яратишга қаратилган.
Мамлакатнинг ФинТеч саноатини нима кутмоқда ва келажакдаги режалар
Келаётган йилда компания Ўзбекистонда ФинТеч саноатининг ўсишидаги улкан салоҳиятни кўрмоқда.
“Молиявий технологиялар мамлакатимизнинг иқтисодий ландшафтини ўзгартиришда давом этмоқда ва Paynet ушбу жараённинг бир қисми эканлигидан фахрланади. Интернет ва мобил технологиялардан фойдаланиш имкониятларининг ошиши аҳоли ўртасида рақамли молиявий саводхонликни ривожлантиришга хизмат қилади, ФинТеч-компаниялар учун янги имкониятлар очади. Биз мобил тўловлар, онлайн-банкинг ва бошқа рақамли молиявий ечимларга талабнинг сезиларли даражада ошишини кутмоқдамиз.
Paynet янги технологияларни ишлаб чиқиш ва мижозларга хизмат кўрсатиш сифатини ошириш учун сармоя киритишда давом этади”, – деб таъкидлайди Анвар Исамухамедов.
Компаниянинг келажагида салоҳият ва ўсишни кўришмоқда, жумладан бир йилдан сўнг Paynet ҳар бир фойдаланувчи жойлардаги контактсиз тўловдан тортиб, турли рақамли маҳсулотлар ва хизматларни харид қилишгача бўлган барча долзарб молиявий масалаларни ҳал қила оладиган майдонга айланиши мақсад қилинган.
Instagram: https://www.instagram.com/paynet.узб?игш=МХҳоМWл1эҲЕ3ЗДЙ3Мг
Telegram: ҳттпс://т.ме/Paynetуз_оффиcиал
Сайт: https://www.paynet.uz
Реклама ҳуқуқи асосида.
Изоҳ (0)