Олти ёшида дунёдаги энг гўзал қиз деб тан олинган француз модели Тилан Блондо бугун бутунлай бошқача кўринишга эга. Унинг суратларини Daily Mail нашриёти эълон қилди.
Блондонинг карьераси уч ёшида тасодифий учрашув туфайли бошланган. Машҳур моделер Жан-Поль Готенинг агенти уни Елисей майдонида кўриб қолиб, онасига мурожаат қилган — қизчанинг моделлар намойишида қатнашишини таклиф этган.
Онаси: “Йўқ, у буни қила олмайди”, деган. Лекин Жан-Поль Готе: “Қизингиз эртага, албатта, у ерда бўлиши керак”, деб туриб олган.
Эртаси куни қизалоқ подиумда юра бошлаган.
Ёш моделга ҳақиқий шуҳрат 2007 йилда, унинг Vogue Энфанц журнали муқовасидаги сурати ўқувчиларни мафтун этгандан сўнг келди. Айнан шу пайтдан бошлаб уни дунёдаги энг гўзал қиз деб атай бошлашди.
Блондонинг катталар оламидаги дебюти 2017 йил февралида Миландаги мода ҳафталигида бўлиб ўтди. У ерда Тилан Dolce & Gabbana коллекциясини намойиш этди. Кейинчалик у “энг гўзал қиз” образидан узоқлашишга интилганини тан олди.
Бугунги кунда Блондо Miu Miu, Dolce & Gabbana, ЛʼОréаl Paris, Versace, Ralph Lauren ва Hugo Boss каби брендлар билан ҳамкорлик қилиб, муваффақиятли фаолиятини давом эттирмоқда. У, шунингдек, ЛʼОréаl бренди ва француз дизайнери Лолита Лемпиканинг атир-упар рекламаси юзига айланган. Яқинда у ўзининг Enalyht номли косметика ва соч парвариш воситалари брендини ишга туширди.
Моделлик фаолиятидан ташқари, Блондо ижтимоий тармоқлардаги ўз мавқеини фаол ривожлантирмоқда. Instagramʼнинг ўзида унинг 6,9 миллион нафар кузатувчиси бор.
Изоҳ (0)