Жорий ҳафта давомида Ўзбекистон ҳудуди бўйича ҳаво бир оз булутли, шимолда ўзгарувчан бўлади, ёғингарчилик кутилмайди. Бу ҳақда “Ўзгидромет” хабар берди.
Маълум қилинишича, фақат тоғли ҳудудларда баъзи жойларда маҳаллий хусусиятга эга бўлган қисқа муддатли ёмғир ёғиши ва момақалдироқ бўлиши мумкин.
Душанба ва сешанба кунлари ҳаво ҳарорати 36-39 даража иссиқ атрофида, жанубда ва чўл ҳудудларда 40-41 даража иссиққача бўлади.
Чоршанба кунидан ва иш ҳафтасининг охиригача ҳарорат кўтарилиши кутилмоқда, кундуз кунлари ҳаво 38-41 даража иссиққача, жанубда ва чўл ҳудудларда 42-43 даражагача исийди.
Шамол 7-12 м/с тезликда эсади, баъзи жойларда 13-18 м/с гача кучаяди, чанг-тўзонлар билан кузатилади.
Тошкент шаҳрида 22—25 июлда ҳаво асосан кам булутли бўлади, ёғингарчилик кутилмайди. Шамол шарқдан 3-8 м/с тезликда эсади.
Иш ҳафтасининг охиригача ҳаво ҳарорати 39-41 даража иссиққача аста-секин кўтарилади.
Изоҳ (0)