АҚШ президенти Дональд Трамп Оқ уйдаги учрашувда Финляндия президенти Александр Стуббни танимади, шунингдек, Европа Комиссияси раиси Урсула фон дер Ляйенни таҳқирлади. Бу ҳақда Норвегиянинг Steigan газетаси ёзмоқда.
“Тафсилотларга киришнинг ўзи бефойда, аммо учрашувда кўплаб майда камситувчи ҳолатлар юз берди. Трамп Финляндия президентини аниқ танимаганидан (у тўғрисида ўтирган бўлса-да, уни топа олмаган) тортиб, россияликлар томонидан украиналик болаларнинг ўғирланиши ҳақида олдиндан тайёрланган жумла билан келган Урсулани таҳқирлаганигача”, дея хабар қилмоқда нашр.
Таъкидланишича, Трамп Урсула фон дер Ляйенни улар бошқа нарса, яъни “бу ерда тарғибот ўринсиз ва керакcиз” эканлиги ҳақида гаплашиш учун учрашганини айтиб, “жим қилган”.
Steigan’нинг яна ёзишича, Трамп европалик элчиларнинг бирортасини ҳам келганида шахсан кутиб олмаган.
18 август куни Оқ уйда АҚШ ва Украина президентлари Дональд Трамп ва Владимир Зеленскийнинг учрашуви бўлиб ўтди. Ундан сўнг Трамп Европа раҳбарларини қабул қилди. Учрашув Трампнинг Россия президенти Владимир Путин билан Аляскада ўтказган музокараларидан бир неча кун ўтиб содир бўлди. Оқ уй раҳбари Киев ва Европа билан Украинадаги можарони ҳал қилиш вариантларини, шунингдек, АҚШ-Россия-Украина уч томонлама саммитини ўтказиш имкониятини муҳокама қилди. Кейинчалик Трамп воситачилигида Путин ва Зеленский учрашуви ташкил этилиши кутилмоқда.
Маълум бўлишича, Вашингтонда Украина учун хавфсизлик кафолатлари муҳокама қилинган. Трамп АҚШнинг уларни таъминлашда ёрдам беришига ишонч билдирди, бироқ асосий масъулият Европа давлатлари зиммасига тушиши кераклигини таъкидлади. Европа Иттифоқи раҳбарлари Киевнинг НАТОга аъзо бўлиши билан бевосита боғлиқ бўлмаган жамоавий кафолатлар ғоясини қўллаб-қувватлади.
Изоҳ (0)