Аввалроқ “Пахтакор” Элит Чемпионлар Лигасидаги юришини давом эттириши ҳақида хабар берилганди. Футбол мутахассиси Алишер Никимбаев “Пахтакор” турнирда қанча даромад топгани ҳақида ёзди.
Маълум қилинишича, гуруҳ босқичидаги ғалаба ҳар бир клубга 100 минг доллар олиб келади, дуранг учун эса бонуслар мўлжалланмаган. Шунинг учун “Пахтакор” кеча ўзининг илк 100 минг доллар мукофот пулларини қўлга киритди. Бунга қўшимча равишда, ҳар бир клуб гуруҳ босқичида қатнашгани учун 800 минг доллар олади.
Бироқ, “Ас-Садд” устидан қозонилган ғалаба “Пахтакор”ни 1/8 финалга олиб чиққанлиги учун, клуб қўшимча равишда яна 200 минг доллар ишлаб топди.
Шу ўринда, келгуси босқичларда алоҳида ғалабалар учун мукофот йўқлигини таъкидлаш лозим. Чорак финалга чиқиш 400 минг доллар, ярим финалга чиқиш эса 600 минг доллар қўшимча даромад олиб келади.
Финалда иштирок этган жамоа 4 млн долларга кафолатли эга бўлади, ғолиб эса 10 млн доллар мукофот олади.
Шунингдек, келгуси Клублар ўртасидаги Жаҳон Кубогида иштирок этиш имконияти ҳам бор, бу эса камида 50 млн доллар даромад келтириши мумкин.
Шундай қилиб, “Пахтакор” жорий Осиё Чемпионлар Лигасида ҳозирча 1,1 млн доллар ишлаб топди:
- 800 000 - гуруҳ босқичида иштирок учун
- 100 000 - “Ас-Садд” устидан қозонилган ғалаба учун
- 200 000 - 1/8 финалга чиққани учун
Изоҳ (0)