“ПСЖ” футболчиси Килиан Мбаппе Чемпионлар Лигаси чорак финалидан ўрин олган “Барселона”га қарши баҳс олдидан ўз фикрларини билдириб ўтди.
“Буюк футболчиларнинг вақти келди ва мен бунга тайёрман. Одатдагидек, мен бекинмоқчи эмасман”, — дейди Мбаппе.
Эслатиб ўтамиз, жамоалар ўртасидаги дастлабки учрашув Парижда Тошкент вақти билан 10 апрелдан 11 апрелга ўтар кечаси 00:00 да старт олади. Жавоб ўйинида эса Барселонада, 16 апрель куни бўлиб ўтиши кўзда тутилган.
Нимчорак финалда “ПСЖ” “Реал Сосьедад”ни турнирдан чиқариб юборганди, “Барселона” эса “Наполи”дан устун келган.
Мбаппе 2018 йилдан буён “ПСЖ” сафида тўп суриб келмоқда. Унинг клуб билан амалдаги шартномаси 2024 йил ёзида ўз ниҳоясига етади. Жорий мавсум Килиан барча мусобақаларда 40 та ўйин ўтказиб, 39 та голга муаллифлик қилди.
Изоҳ (0)