Ғазо марказидаги Нусейрат лагерида саҳарлик учун йиғилган Табатибилар оиласининг 36 нафар аъзоси бомбардимон оқибатида ҳалок бўлди. Бу ҳақда France24 хабар берди.
Гувоҳларга кўра, аёллар саҳарлик учун овқат тайёрлаётган пайтда улар турган бинога ҳаво ҳужуми уюштирилган ва 36 нафар оила аъзоси ҳалок бўлган. Ҳужумдан омон қолган, бироқ чап қўлидан жароҳат олган 19 ёшли Муҳаммад ат-Табатибий яқинларининг ўлимига муносабат билдирган.
“Бу менинг онам, бу менинг отам, бу менинг холам ва булар менинг укаларим. Биз уйда бўлганимизда улар уйни бомбардимон қилишди. Онам билан холам саҳарлик учун таом тайёрлаётган эди. Уларнинг барчаси шаҳид бўлди”, — деган Муҳаммад ат-Табатибий жасадларни қабристонга олиб бориш учун юк машинасига ортишдан аввал.
Жасадни солиш учун сумкалар етарли бўлмагани сабабли қурбонларнинг баъзилари, жумладан камида икки бола қонга бўялган оқ матога ўралган. Нусейратдаги зарба бир кечада юз берган 60 та “ҳалокатли ҳаво ҳужумларидан” бирига айланиб, ҲАМАС томонидан “қонли кеча” деб баҳоланган.
Изоҳ (0)