Ходимларга йўналтирилган инвестициялар Beeline Uzbekistan’га «DaVinci мукофоти»да ғалаба келтирди
Ўзбекистонда DaVinci Management Consulting компанияси томонидан мамлакатнинг энг яхши иш берувчиларига бериладиган йиллик HR-мукофот якунлари сарҳисоб қилинди. Beeline Uzbekistan бирданига иккита номинация бўйича ғолиб бўлди – «Карьерани бошлаш учун энг яхши компания» ва «Ходимларга ғамхўрлик».
DaVinci мукофоти 2016 йилдан бери ходимлар, абитуриентлар ва талабалар ўртасидаги мустақил тадқиқот натижаларига кўра топширилиб келинмоқда. 2022 йил бошида Beeline Uzbekistan DaVinci Management Consulting маълумотларига кўра, IT ва телекоммуникация соҳасида энг яхши иш берувчига айланган эди. Энди яна иккита мукофот қўшилди.
Бее Generation амалиёт дастури «Карьера бошлаш учун энг яхши компания» номинациясида ғолиб бўлди. Мақсад — талабаларни компаниянинг бизнес жараёнларига имкон қадар кўпроқ жалб қилиш ва зарур кўникмаларни шакллантиришдир. Ўн тўрт йиллик дастур давомида 250 нафар амалиётчи уни муваффақиятли якунлади, улардан 80 нафари Beeline Uzbekistan жамоасига керакли мутахассис сифатида қўшилишди. Биргина 2022 йилнинг ўзида 8 нафар дастур иштирокчиси иш билан таъминланди.
Beeline «Ходимларга ғамхўрлик» номинациясида ўз ходимлари учун энг яхши шароитларни яратишга доимий интилиши учун мукофотга сазовор бўлди. Ҳар бир жамоа аъзоси ихтиёрий тиббий суғурта, бепул мобил алоқа, Beepul иловаси доирасида пул ўтказмалари бўйича фоизсиз лимитлар ва мослашувчан иш вақти каби ижтимоий пакетга эга. Ходимлар компания ҳисобидан машғулотлар ўтказиш, севимли спорт турлари билан шуғулланиш имкониятига эгадирлар. Хусусан, Beeline Uzbekistan ходимларнинг мамлакатнинг Zaamin Ultra, Bukhara Night Race ва Samarqand Marathon каби йирик марафонларида иштирок этиши учун тўловни тўлиқ амалга оширади.
«Биз доимо ходимларимиз эҳтиёжларини тинглаб, уларнинг қулайлиги учун сармоя киритамиз. Ҳар йили биз жамоанинг қониқиш даражасини ўлчаймиз, уларни ўз фикр ва истакларини очиқ айтишга ундаймиз. Сўровлар натижаларига кўра, биз ҳар бир ходим иш жараёнидан завқланиши учун янги ёндашувларни амалга оширамиз. Биз ишонамизки, фақат шундай муҳитда бизни Ўзбекистонда етакчилик сари бошловчи ва ёшларни ўзига тортадиган инновацион ва дадил ғоялар туғилиши мумкин», — дея воқеани шарҳлади Beeline Uzbekistan’нинг ходимлар билан ишлаш ва ташкилий ривожлантириш бўйича директори София Гайнутдинова.
Реклама ҳуқуқи асосида.
