«ПСЖ» ҳужумчиси Килиан Мбаппе Чемпионлар Лигаси 6-тури доирасида кечган «Ювентус»га қарши ўйинда (2:1) ўз ҳисобига гол ёздириб қўйди.
Бу франциялик футболчи учун мусобақадаги 40-гол бўлди. Килиан ушбу натижага эришган Чемпионлар Лигасидаги энг ёш футболчига айланди. Мбаппе ўйин куни 23 ёш-у 10 ой ва 13 кунлик эди.
Килиан бу борада жамоадоши Лионель Мессининг рекордини янгилади. Аргентиналик футболчи «Барселона» сафида 24 ёш-у 4 ой ва 8 кунлик вақтида мусобақадаги 40-голини урганди.
Месси ўзининг 40-тўпини 2011 йилнинг 1 ноябрь куни киритганди. Мбаппе эса орадан роппа-роса 11 йил ўтиб, 2022 йилнинг 2 ноябрь куни ушбу довонни забт этди.
Мбаппе жорий мавсум Париж жамоаси сафида 18 та ўйин ўтказиб, 18 та гол ва 5 та голли узатмага муаллиф бўлди.
Изоҳ (0)