Жаҳон Савдо Ташкилоти глобал савдо ўсиш прогнозини пасайтирди

Жаҳон Савдо Ташкилоти (ЖСТ) 2023 йилда жаҳон савдоси атиги 1 фоизга ўсишини прогноз қилмоқда. Бу ҳақда «Коммерсантъ» хабар берди.

Бу кўрсаткич аввалроқ прогноз қилинган 3,4 фоиздан камайди. Шу билан бирга, ЖСТ жорий йилда жаҳон савдосининг ўсиши прогнозини бироз яхшилади — апрель ойида прогноз қилган 3 фоиздан 3,5 фоизгача.

Глобал савдо 2022 йилнинг иккинчи ярмида жадалликни йўқотиши ва 2023 йилда ҳам бу давом этиши кутилмоқда, чунки глобал зарбалар иқтисодиётга оғирлик қилади, — деди ЖСТ.

Ташкилот таҳлилчиларининг фикрига кўра, бу турли минтақалардаги омиллар билан боғлиқ: Европада — энергия нархининг кўтарилиши, АҚШда — пул-кредит сиёсатининг кескинлашиши ва Хитойда — COVID-19 туфайли локдаунлар ва глобал талабнинг пасайиши.

ЖСТ 2022 йил учун ЯИМ ўсиши прогнозини 2,8 фоиз даражасида сақлаб қолди. 2023 йил учун ЯИМ ўсиши прогнози 3,3 фоиздан 2,3 фоизга ёмонлашди.