АПЛ. «Челси» сўнгги дақиқаларда урилган гол эвазига ғалабани илиб кетди, «Ливерпуль» «Брайтон»ни мағлуб эта олмади
Футбол бўйича Англия Премер Лигасининг 9-туридан ўрин олган бир қатор ўйинлар 1 октябрь, шанба куни бўлиб ўтди.
«Челси» сафарда «Кристал Пэлас» билан баҳс олиб борди. Учрашувнинг 7-дақиқасида Одсон Эдуард ҳисобни очди. 38-дақиқада Обамеянг мувозанатни тиклади. Ўйин сўнгида Конор Галлаҳер гол уриб, «Челси»нинг ғалабасини таъминлади.
«Челси» ушбу ғалабадан сўнг очколари сонини 13 тага етказиб, 5-ўриндан жой эгаллади.
«Ливерпуль» «Брайтон» билан баҳс олиб борди. Учрашувда 3:3 ҳисобида дуранг натижа қайд этилди. Мерисайдликлар сафида Роберто Фирмино дубль қайд этган бўлса, яна битта гол Адам Уэбстер ҳисобига ёзилди. Футболчи ўз дарвозасини ишғол қилди. «Брайтон» сафида Леандро Троссард ҳет-трик муаллифига айланди.
Юрген Клопп шогирдлари 1о очко билан 9-поғонани банд этди.
АПЛ
9-тур баҳслари
1 октябрь, шанба
«Кристал Пэлас» — «Челси» 1:2
Голлар: 1:0 – 7 Эдуар, 1:1 – 38 Обамеянг, 1:2 – 90 Галлаҳер.«Кристал Пэлас»: Гуаита, Клайн (Томкинс, 44), Уорд, Геҳи, Митчелл, Эзе (Шлупп, 74), Дукуре (Хьюз, 84), Олисе, Айю, Заа, Эдуар (Матета, 84).
«Челси»: Аррисабалага, Жеймс, Тиаго Сильва, Фофана, Чилуэлл, Ковачич, Жоржиньо (Лофтус-Чик, 56), Маунт (Пулишич, 84), Ҳаверц (Галлаҳер, 76), Обамеянг (Броя, 75), Стерлинг.
Огоҳлантиришлар: Эдуар (22), Тиаго Сильва (33), Виэйра (44), Маунт (52), Ковачич (88).
«Ливерпуль» — «Брайтон» 3:3
Голлар: 0:1 – 4 Троссард, 0:2 – 17 Троссард, 1:2 – 33 Фирмино, 2:2 – 54 Фирмино, 3:2 – 63 Уэбстер (автогол), 3:3 – 83 Троссард.«Ливерпуль»: Алиссон, Александер-Арнольд, Матип, ван Дейк, Цимикас (Милнер, 59), Ҳендерсон (Эллиотт, 59), Тиаго Алькантара (Нуньес, 89), Фабиньо, Карвалью (Диас, 46), Фирмино (Диогу Жота, 75), Салоҳ.
«Брайтон»: Санчес, Данк, Уэбстер, Велтман, Эступиньян (Лаллана, 76), Марч, Гросс (Митома, 65), Мак Аллистер, Кайседо, Уэлбек, Троссард (Лэмпти, 87).
Огоҳлантиришлар: Эступиньян (29), Александер-Арнольд (86).
