Швейцариянинг Бутте шаҳри аҳолисидан сувни тежаш мақсадида машиналарини ювмаслик сўралмоқда
Швейцариянинг Бутте шаҳри маъмурияти маҳаллий аҳолидан сувни тежаш мақсадида машиналарини ювмасликни сўради. Бу ҳақда РTН радиосига таяниб, «Газета» нашри хабар бермоқда.
Муниципал кенгаш аҳолини юқори ҳарорат туфайли сув истеъмолини чеклашга чақиради. Бассейнларни тўлдирмаслик, машиналарни ювмаслик ва боғларни вақтинча сув билан суғормай туриш тавсия этилади, — дея хабар беради РTН радиоси.Қайд этилишича, бундай қарор қабул қилинишига сабаб Лонгайг дарёсидаги сув сатҳига таъсир қилган жазирама бўлган.
Politico нашрининг хабар беришича, жазирама Европада ўлим ҳолати кўпайишига олиб келган. Хусусан, Германияда июль ойида ҳарорат 40°C га етган.
Шунингдек, иссиқлик Цельсий бўйича яна беш даража юқори бўлган Испания ва Португалияда ўлимнинг рекорд даражада ўсиши кузатилди.
Мавзуга доир: Британияда жазирама туфайли Темза дарёси манбаи қуриб қолди
Изоҳ
Кириш
Асосий янгиликлар
