Неймарнинг шахсий самолёти техник носозлик туфайли фавқулодда қўнишни амалга оширди

«ПСЖ» ҳужумчиси Неймарга тегишли шахсий самолёт 21 июнь куни эрталаб фавқулодда қўнишни амалга оширишга мажбур бўлди, дея хабар қилмоқда ESPN.

Бразилиялик ҳужумчи ўзининг Cessna 680 Citation самолётида Лас-Вегасдан Сан-Паулуга қараб учаётган эди.

Техник носозликлар туфайли самолёт Бразилия шимолидаги Боа-Виста аэропортига фавқулодда қўнишни амалга оширган.

30 ёшли футболчи ва бортдаги қолган одамлар жароҳат олмаган.

Аввалроқ «Манчестер Юнайтед» ҳужумчиси Криштиану Роналдуга тегишли Bugatti Veyron автомобили Испаниянинг Мальорка оролида йўл транспорт ҳодисаси иштирокчисига айлангани, машина бошқарувида ҳужумчи ва унинг оила аъзолари эмас, хизматчиси бўлгани хабар қилинганди.