Трансфермаркт портали трансфер нархида ўсиш кузатилган Ўзбекистон Суперлигаси футболчиларининг рўйхатини эълон қилди.
Унга кўра, «Насаф» футболчиси Ойбек Бозоровнинг трансфер нархи 200 минг еврога ошиб, 800 минг еврони ташкил этмоқда. Ундан кейинги ўринни «Бунёдкор» аъзоси Умарали Раҳмоналиев эгаллаган. Ярим ҳимоячининг трансфер нархи ҳам 200 минг еврога кўтарилган.
Кучли бешликдан «Олимпик»нинг уч нафар футболчиси Достонбек Турсунов, Владимир Назаров, Муҳаммадқодир Ҳамроалиевлар жой олган. Уларнинг трансфер нархи 150 минг еврога кўтарилган.
Трансфер нархида ўсиш кузатилган Суперлига футболчилари:
- Ойбек Бозоров («Насаф») — 800 минг евро (+200 минг евро);
- Умарали Раҳмоналиев («Бунёдкор») — 200 минг евро (+200 минг);
- Достонбек Турсунов («Олимпик») — 250 минг евро (+150 минг);
- Владимир Назаров («Олимпик») — 250 минг евро (+150 минг);
- Муҳаммадқодир Ҳамроалиев («Олимпик») — 200 минг евро (+150 минг);
- Хислат Халилов («Сўғдиёна») — 150 минг евро (+150 минг);
- Русланбек Жиянов («Олимпик») — 200 минг евро (+125 минг);
- Ҳусайн Норчаев («Насаф») — 800 минг евро (+100 минг);
- Хуршид Ғиёсов («ОКМК») — 750 минг евро (+100 минг);
- Эҳсон Паншанбе («Навбаҳор») — 700 минг евро (+100 минг).
Изоҳ (0)