Imzo бренди Самарқанд шаҳридаги заводда ишлаб чиқаришни йўлга қўйди

28 май куни Самарқанд шаҳрида Imzo расмий франшиза корхонасининг очилиши бўлиб ўтди.

Тадбир давомида компаниянинг очилиш маросими ва тақдимоти, шунингдек, ишлаб чиқариш бўйлаб экскурсия ўтказилди. Корхонада оммабоп маҳсулотлар ишлаб чиқариш босқичма-босқич йўлга қўйилмоқда. Унда алюмин ва ПВХ профиллардан ясалган дераза ва эшиклар, роллет ва фасад тизимлари ишлаб чиқарилади.

Тадбирда AKFA Group бош директори Камран Абдузаҳидович Ғуломов ва Imzo франшиза лойиҳаси менежери Баҳодир Абдураззақович Ҳакимовлар иштирок этди.

Корхонанинг ишлаб чиқариш майдони 8000 квадрат метр бўлиб, максимал ишлаб чиқариш қувватини йилига 180 000 квадрат метр маҳсулотга ошириш мумкин. Масканда 100 та янги иш ўрни яратилади.

Шунингдек, Imzo  расмий шоуруми барчага ўз эшикларини очди. Бу ерда меҳмонлар сўнгги маҳсулотлар билан танишишлари ва мутахассисларга саволлар беришлари мумкин.

Янги очилган франшиза лойиҳаси шерикларга нафақат ушбу бренднинг нуфузли обрўсига эга бўлиш имкониятини, балки кенг кўламли қўллаб-қувватланадиган бизнесни бошқариш бўйича батафсил қўлланмаларни, шу жумладан, маркетинг, IT ва HR йўналишларидаги тажрибалар, тайёр ҳужжатлар ва франшиза интеллектуал мулкини ҳам олишини англатади.

Imzo ўз тажрибасини баҳам кўриш, билим ва технологияларини узатиш орқали бутун Ўзбекистон бўйлаб бизнес тузилмасини ривожлантиришни мақсад қилган. Бу эса фуқароларнинг тадбиркорлик ва истеъмол тажрибасига ижобий таъсир кўрсатади.

Шунингдек, 4 июнь куни «Сиёб» бозоридан Регистон майдонигача бўлган йўналиш бўйлаб байрамона парад ташкил этилди. Тадбирда мим ва гимнастикачилар, узун таёқ оёқда юрувчи цирк артистлари, миллий рақс ва мусиқа ансамбллари ва бошқалар иштирок этди.

Батафсил маълумотларни Imzo ягона call-маркази 71 207 77 77 рақами орқали олишингиз мумкин.

Самарқанд шаҳридаги расмий Imzo шоурумининг манзили: Чўпон ота мавзеси, Ўзбек тракти 23

Реклама ҳуқуқи асосида.