Футбол бўйича Италия А Сериясининг 6-туридан ўрин олган бир қатор учрашувлар 26 сентябрь, якшанба куни ўтказилди.
Фото: Getty Images
«Рома» Рим дербисида «Лацио»га қарши баҳс юритди. Ўйиннинг 10-дақиқасида Сергей Милинкович-Савич «Лацио»ни олдинга олиб чиқди. Орадан кўп ўтмай Педро собиқ жамоаси дарвозасини ишғол қилди. Биринчи бўлим якунида «бўрилар» Рожер Ибанеснинг голи билан жавоб қайтарди.
63-дақиқада Фелипе Андерсон «Лацио»нинг учинчи голини урган бўлса, орадан 6 дақиқа ўтиб Жордан Верету ҳисобдаги фарқни яна минимал кўринишга олиб келди. Қолган вақтда ҳисоб ўзгармади.
Элдор Шомуродов учрашувнинг 64-дақиқасида захирадан майдонга тушди.
«Лацио» ушбу ғалабадан кейин очколарини 11 тага етказиб олди ва 6-ўринга кўтарилди. «Рома» (12) 4-поғонада қолди.
«Ювентус» ўз уйида «Сампдория»ни қабул қилди. Биринчи бўлимда туринликлар Пауло Дибала ва Леонардо Бонуччининг голлари эвазига олдинга ўтиб олди. Бунга генуяликлар танаффусга қадар Майа Ёшиданинг киритган тўпи билан жавоб қайтарди.
57-дақиқада Мануэль Локателли туринликларнинг учинчи голини урди. Меҳмонлар ўйин якунланиши арафасида ҳисобни қисқартирди. «Ювентус» ушбу ғалабадан кейин 8 очко билан 9-ўринга кўтарилди.
Топ-5 лигалар онлайн жадваллари, ўйинлар тақвими, тўпурарлар рўйхати — кўриш.
А Серия
6-тур баҳслари
26 сентябрь, якшанба
«Лацио» — «Рома» 3:2
Голлар: 1:0 – 10 Милинкович-Савич, 2:0 – 19 Педро, 2:1 – 41 Рожер, 3:1 – 63 Фелипе Андерсон, 3:2 – 69, пенальти Верету.
«Лацио»: Рейна, Марушич, Ачерби, Луис Фелипе, Ҳюсай, Лейва (Каталди, 61), Луис Альберто (Акпа-Акпро, 66), Милинкович-Савич, Педро, Иммобиле (Мурики, 90), Фелипе Андерсон.
«Рома»: Руй Патрисиу, Карсдорп (Залевски, 82), Манчини, Рожер, Виня (Смоллинг, 82), Мхитарян, Верету, Кристанте, Заниоло (Карлес Перес, 77), аш-Шаарави (Шомуродов, 64), Абраҳам.
Огоҳлантиришлар: Руй Патрисиу (11), Лейва (24), Кристанте (45), Виня (48), Верету (87), Каталди (87).
«Ювентус» — «Сампдория» 3:2
Голлар: 1:0 – 10 Дибала, 2:0 – 43, пенальти Бонуччи, 2:1 – 44 Ёшида, 3:1 – 57 Локателли, 3:2 – 83 Кандрева.
«Ювентус»: Перин, Бонуччи, де Лигт, Алекс Сандро, Локателли, Бентанкур (Маккенни, 82), Куадрадо, Кеза (Кьеллини, 70), Мората (Кин, 82), Дибала (Кулусевски, 22), Бернардески (Рэмзи, 70).
«Сампдория»: Аудеро, Депаоли (Дамсгор, 59), Берешински, Ёшида, Колли, Мурру (Аужелло, 59), Кандрева, Экдал (Адриен Сильва, 59), Торсбю (Аскилдсен, 87), Куальярелла, Капуто (Торрегросса, 70).
Огоҳлантиришлар: Торсбю (28), Мурру (41), Экдал (45), Бентанкур (53), Куадрадо (66), Бонуччи (84), Кин (86).
«Удинезе» — «Фиорентина» 0:1
Гол: 0:1 – 16, пенальти Влахович.
«Эмполи» — «Болонья» 4:2
Голлар: 1:0 – 1, автогол Бонифаци, 1:1 – 11 Барроу, 2:1 – 31 Пинамонти, 3:1 – 54, пенальти Байрами, 3:2 – 76 Арнаутович, 4:2 – 90 Риччи.
«Сассуоло» — «Saleрнитана» 1:0
Гол: 1:0 – 54 Берарди.
