Бугун,

  • USD 11095.31
  • RUB 173.84
  • EUR 10772.44

Индонезия ҳукумати ишлаб чиқаётган дастур доирасида давлат хизматчиларининг бир қисмини Индонезиянинг Бали оролига масофадан ишлашга юбориш режалаштирилмоқда, деб ёзади Meduza.

Фото: Global Look Press

Фото: Global Look Press

Bloomberg хабарига кўра, Индонезия туризм ва креатив иқтисодиёт вазири Сандиага Уно дастур тайёргарликнинг юқори босқичида турганини айтди. Оролга Денгиз масалалари ва инвестициялар, шунингдек, унга қарашли еттита органлар ходимларини юбориш режалаштирилмоқда. Балига жами саккиз минг нафаргача давлат хизматчилари жўнаб кетади, деб ёзади Nikkei Asia.

Ушбу дастур ёрдамида Индонезия ҳукумати Балидаги меҳмонхона ва ресторанларга нисбатан талаб яратиб, оролнинг пандемия даврида жиддий жабр кўрган иқтисодиёти тикланишини тезлаштирмоқчи. Ҳукумат давлат хизматчилари ортидан иқтисодиётнинг бошқа секторлари вакиллари ҳам ишлаш учун оролга боришига умид қилмоқда.

Бали — Индонезиянинг пандемиядан энг кўп жабр кўрган минтақаси. 2020 йилда унинг туризмга асосланган иқтисодиёти 9,2 фоизга пасайди. Таққослаш учун, бутун мамлакат иқтисодиёти бор-йўғи 2 фоизга тушган.

2021 йил январидан апрелигача Балига атиги 350 нафар чет эллик сайёҳлар келган. Ўтган йилнинг шу даврида уларнинг сони 1,2 миллионга тенг бўлган.

Балида вакцинация суръатлари Индонезиянинг барча минтақалари орасида энг юқориси ҳисобланади. 2021 йил июлига келиб, ҳукумат оролнинг 18 ёшдан ошган 2,8 миллион аҳолисини эмлашни режалаштирмоқда. Бу бутун Бали аҳолисининг 60 фоизи демакдир.

Изоҳ
Асосий янгиликлар
Дунё
Америкалик миллиардернинг террорчига айланган набираси, Атлантикада тўқнашиб кетган икки сув ости кемаси ва АҚШнинг биринчи президентига айланган Вашингтон. Кун хр...
Дунё
Францияда поездда кетаётган йигит ўзини портлатиб юбориш билан таҳдид қилди
Спорт
“Барселона” MLS вакилини рўйхатдан ўтказишда 18 сония кеч қолган