Россияга қарши туришда кучларни бирлаштириш таклифи Европа томонидан тайёрланиб, мувофиқлаштириш учун Вашингтонга йўналтирилган Евроиттифоқ-АҚШ саммити қўшма баёноти лойиҳасида билдирилган, деб ёзади «Интерфакс» Bloomberg’га таяниб.
«Биз Россияга нисбатан принципиал ёндашувда ҳамжиҳатмиз ҳамда унинг салбий хулқ ва ёвуз ниятли фаолиятининг такрорланувчи моделига қатъий жавоб кўрсатамиз», — дея агентлик ҳужжат лойиҳаси матнидан иқтибос келтиради, у эса Евроиттифоқ ва АҚШ «мисли кўрилмаган глобал чақириқлар»ни қандай қилиб енгиб ўтишига алоқадор.
Унда, шунингдек, «Хитойга нисбатан тегишли шунга ўхшаш кўп қиррали ёндашувларимиз доирасида умумий муаммолар ва имкониятларнинг бутун спектри бўйича «яқиндан маслаҳатлашиш ва ҳамкорлик қилиш» таклиф этилади.
Саммит Европа ва АҚШга «янада демократик, адолатли, тинч ва хавфсиз дунё яратиш учун хусусан кўп қиррали институтларни мустаҳкамлаш ҳамда ташқи сиёсат ва хавфсизлик сиёсати соҳасидаги ҳамкорлик мустаҳкамлаш йўли билан қоидаларга асосланган халқаро тартибга қаттиқ содиқликни тасдиқлаш» имконини беради», — дейилади лойиҳада.
Шунингдек, унда собиқ президент Дональд Трамп даврида юзага келган савдо баҳслари, хусусан, тариф сиёсати соҳасидаги баҳсларни иккала томон қандай қилиб енгиб ўтиши мумкинлиги баён қилинган.
Евроиттифоқ-АҚШ саммити 15 июнь куни Брюсселда бўлиб ўтиши кутилмоқда, ундан кейин эса Женевада олий даражадаги Америка-Россия учрашуви бўлиб ўтиши керак.
Изоҳ (0)