Кундан кунга тил ўрганишнинг аҳамияти янада долзарброқ бўлиб бормоқда. Фарзандингизга инглиз тилини иложи борича тезроқ ўзлаштиришида қандай ёрдам бериш мумкинлиги ҳақида гаплашамиз.

Фото: Getty Images

Ўзбек тилидаги бирорта сўзни ишлатмаслик

Узлуксиз коммуникатив ўқитиш методикаси — ажойиб эшитилади, самараси ҳам бундан кам эмас. Бола билан фақат инглиз тилида қанчалик кўп гаплашилса, ўрганувчининг ёши кичик бўлса ҳам, тил муҳит билан боғлиқ ҳолда шунчалик тез ўзлаштирилади.

Генетикларнинг фикрига кўра, янги туғилган чақалоқлар барча тилларнинг «куртаклар»ига эга бўлади. Бола кейинчалик қайси тилни ўзлаштириши унинг атроф-муҳитига боғлиқ ҳолда ривожланади.

Ўйин орқали

Болаларнинг ҳам ақлий, ҳам жисмоний ривожланишида ўйин катта аҳамиятга эга. Бундан ташқари, ўйин — бу бола учун энг табиий таълим муҳити ва тил ўрганишнинг ўйин усуллари йил давомида такомиллаштирилган бўлиб, ҳар бир ўқитувчининг ўз услублари бор. Бундай ўйинларда ота-оналар ҳам иштирок этиши мумкин. Мактабдан қайтаётиб инглиз тилида ким кўп сўз топиш ўйини ҳам яхши вариант.

Виртуал дунё

Ўйин мавзусини давом эттирган ҳолда онлайн тил ўргатиш дарсларида тренд сифатида геймификация ҳақида гаплашамиз. Ҳозирги кунда VR технологиялари Лондон ёки Нью-Йоркда инглиз тилидаги йўриқнома ёрдамида сайр қилиш имконини беради. Виртуал экскурсия ҳар қандай ёшдаги ўрганувчига манзур бўлиши аниқ.

«Мухлислар мотивацияси»

Бу усул содда ва самарали. Айниқса, ўспиринлар учун жуда мос келади. Дастлаб ёш «инглиз» ҳақида маълумот йиғамиз, унга қандай мусиқа, комикслар, телешоулар ёқишини ўрганиб чиқамиз. Қолгани эса тасаввурингизнинг қанчалик кенглигига боғлиқ.

Виртуал дўстлик

Тил ўрганишда қанчалик узлуксиз шуғулланилса, бола нутқни шунчалик тез ўзлаштиради. Шунинг учун маълум вақтдан сўнг бошқа мамлакатлардаги тенгдошлари билан мулоқот қилиш орқали олинган билимларни янада мустаҳкамлаш мумкин. Бундан ташқари, тенгдошлари билан мулоқот қилиш давомида болалар хато қилишдан камроқ қўрқишади, натижада равон гапира бошлайди.