Перунинг Каэтано Эредиа университетида Хитойнинг Sinopharm компанияси томонидан ишлаб чиқилган COVID-19’га қарши вакцинани клиник синовлари тўхтатилди, дея хабар бермоқда «Интерфакс».
Тадқиқот гуруҳи раҳбари Херман Малага Radio Programas del Peru радиосига берган интервьюсида синовларни тўхтатиб туриш вақтинчалик ва кўнгиллиларнинг бирида неврологик асоратлар пайдо бўлиши билан боғлиқлигини маълум қилган.
«Бир неча кун олдин биз назорат қилувчи идораларга 64 ёшда бўлган синов иштирокчиларидан бирида Гилен–Барре синдроми билан боғлиқ бўлиши мумкин бўлган неврологик аломатлар пайдо бўлганлиги ҳақида хабар бердик. Ушбу тадқиқотларнинг хавфсизлиги жуда муҳимдир, шунинг учун нима бўлганини билиш учун (тадқиқотларни) тўхтатиб туришга қарор қилинди», – деди Херман Малага.
Ҳозирда тўртта Хитой вакцинаси клиник синовларнинг учинчи босқичида. Уларнинг иккитаси Sinopharm корпорацияси томонидан, учинчиси CanSinoBIO томонидан, тўртинчиси Sinovac томонидан ишлаб чиқилмоқда.
Мавзуга доир: