Суперлига. 6 та гол урилган ўйинда «Бунёдкор» «Сўғдиёна»ни юта олмади
Футбол бўйича Coca-Cola Суперлигасининг 11-тури доирасидаги илк беллашувда Тошкентдаги «Локомотив» стадионида «Сўғдиёна» ҳамда «Бунёдкор» жамоалари ўртасида кечди.
Учрашув голларга бой бўлди. Аввалига Жавоҳир Қаҳрамонов 34-дақиқада Жиззах клубини ҳисобда олдинга олиб чиқққан бўлса, орадан икки дақиқа ўтиб Нурилло Тўхтасинов ҳисобни тенглаштирди. 39-дақиқада эса Шоҳруз Норхонов яна жиззахликларнинг ҳисобда олдинга ўтиб олишини таъминлади.
Иккинчи бўлим аввалида эса Жанубий Корея чемпионатидан қайтиб келган Хуршид Ғиёсов «Бунёдкор»нинг ўйиндаги иккинчи голига муаллиф бўлди. Орадан тўрт дақиқа ўтиб Лутфулла Тўраев «қалдирғочлар»нинг ҳисобда олдинга ўтишини таъминлаган голга муаллифлик қилди. Ўйиндаги сўнгги гол эса 77-дақиқада Шоҳруз Норхонов томонидан урилди.
Шу тариқа Улуғбек Бақоев ҳамда Вадим Абрамов жамоалари жанговар дурангга имзо чекди. «Бунёдкор» ушбу дурангдан сўнг ўз очколарини сонини 21 тага етказиб олган ҳолда мусобақа жадвалининг 3-поғонасидан жой олиб турибди. «Сўғдиёна» эса 12 очкоси билан 8-ўринда бормоқда.
Coca-Cola Суперлига11-тур баҳси20 август, жума
«Сўғдиёна»—«Бунёдкор» 3:3
Голлар: 1:0 — 34 Жавоҳир Қаҳрамонов, 1:1 — 36 Нурилло Тўхтасинов, 2:1 — 39 Шоҳруз Норхонов, 2:2 — 48 Хуршид Ғиёсов, 3:2 — 52 Лутфулла Тўраев, 3:3 — 77 (пенальти) Шоҳруз Норхонов.«Сўғдиёна»: 27.Милан Митрович, 3.Искандар Шойқулов, 4.Элёр Орифов, 5.Аюбхон Нў’монов (17.Иван Нагаев, 63), 8.Жамшид Болтабоев (7.Санжар Рашидов, 83), 10.Шоҳруз Норхонов (20.Баҳодир Насимов, 83), 11.Жасур Ҳасанов, 18.Шавкат Муллажонов (12.Санъат Шихов, 54), 19.Жавоҳир Қаҳрамонов (21.Саҳоб Рашидов, 83), 22.Шаҳбоз Жўрабеков, 93.Марко Колакович.
«Бунёдкор»: 1.Абдумавлон Абдулжалилов, 3.Исломжон Қобилов, 5.Иброҳимҳалил Йўлдошев, 6.Анвар Ғофуров, 10.Хуршид Ғиёсов, 13.Лутфулла Тўраев, 14.Миржаҳон Мираҳмадов (90.Шаҳбоз Эркинов, 66), 17.Санжар Қодирқулов, 19.Нурилло Тўхтасинов, 30.Абдулла Абдуллаев, 48.Валерий Акопов (49.Фаррух Икромов, 46).
Огоҳлантиришлар: Лутфулла Тўраев 43, Иброҳимҳалил Йўлдошев 66, Жамшид Болтабоев 70.
