Бугун,

  • USD 11095.31
  • RUB 173.84
  • EUR 10772.44

Қашқадарё вилоятининг Қарши шаҳрида Ўзбекистоннинг Биринчи Президенти Ислом Каримовнинг тўнғич қизи Гулнора Каримова даврида қурилган форумлар саройи тўрт юлдузли меҳмонхонага айлантирилади. Бу ҳақда «Қашқадарё газетаси» хабар берди.

Фото: «Дарё»

Фото: «Дарё»

Маълум қилинишича, Гулнора Каримова даврида форумлар саройи сифатида қурила бошланган ва ўтган йиллар давомида қаровсиз қолган бино аукцион савдода «Тонг сув қурилиш» МЧЖ томонидан сотиб олинган.

«Дарё» мухбири билан суҳбатлашган МЧЖ масъулларининг маълумот беришича, чала қурилган бинонинг аукциондаги нархи 2 миллиард сўмдан ошган. Меҳмонхона қурилиши учун эса 10 миллиард сўм сарфланиши кўзда тутилган.

«Меҳмонхона 140 ўринга мўлжалланади, — дейди жамият раҳбари Поён Жўраев. — Қурилиш-жиҳозлаш ишлари учун 3 миллиард сўм ўз маблағимиз, 7 миллиард сўм банк кредити йўналтиришни мақсад қилганмиз. Ҳозиргача ўз ҳисобимиздан 5 миллиард сўм сармоя киритдик. Қўшимча хоналар қурилди, том қисми ёпилди, бинонинг аввалги кўринишига анча ўзгариш киритилди. Қурилиш материаллари, жиҳозлар олиб келиш бўйича Хитой билан шартнома қилганмиз. Меҳмонхонани 2021 йил охиригача фойдаланишга топшириш мақсад қилинган».

Фото: «Дарё»

Фото: «Дарё»

Эслатиб ўтамиз, аввалроқ Адлия вазирлиги матбуот котиби Севара Ўринбоева Гулнора Каримова томонидан жиноий йўл билан орттирилган 1,3 миллиард АҚШ долларидан ортиқ миқдордаги мулкларни қайтариш бўйича Швейцария, АҚШ, Франция, Россия каби давлатлар билан ҳамкорликдаги ишлар давом этаётганини айтганди. Ундан олдин эса Адлия вазирлиги ва Бош прокуратура томонидан Ўзбекистоннинг ваколатли идоралари иштирокида Гулнора Каримова томонидан жиноий йўл билан орттирилган мулкларни Ўзбекистонга қайтариш бўйича олиб борилган саъй-ҳаракатлар натижасида 2020 йилнинг 14 май куни Франциядан 10 миллион АҚШ доллари миқдоридаги активлар Ўзбекистонга қайтарилганди.

Гулнора Каримова ва у томонидан ташкил этилган жиноий уюшма аъзоларига нисбатан жиноят ишини кўриб чиқиш бўйича суд жараёни 2020 йил 18 март куни ниҳоясига етган бўлиб, у 13 йил 4 ой муддатга озодликдан маҳрум этилган. Қолган судланувчиларга ҳам содир этилган жиноятларнинг оғирлилик ва ижтимоий хавфлилик даражаси ҳамда уларнинг жиноятлардаги иштирокидан келиб чиқиб, тегишли жазолар тайинланди. Олдин кўрилган жиноий ишлар, шунингдек, сўнгги жиноий иш доирасида етказилган зарар миқдори 3,8 триллион сўм ва 165 миллион долларни ташкил этган.

Изоҳ
Asosiy yangiliklar
Маданият
Instagram: Аварияга учраган Талъат Йўлдошев, Дубайга кетган Лола, касал бўлиб қолган Зоҳиршоҳ
Маданият
«Икки ўғлим АҚШда таҳсил олади, уларнинг санъат йўлидан кетишини истамадим». Анвар Санаев фарзандлари ҳақида (видео)
Маданият
Томошабинлар меҳрига сазовор бўлган энг гўзал турк актрисалари (фото)