Бош прокуратура коронавирусни даволовчи дори сотаётган БЕВЕРЛее Бусинеес фаолиятини ўрганишни бошлади

Бош прокуратура БЕВЕРЛее Бусинеес фаолиятини ўрганишни бошлаган. Бу ҳақда Бош прокуратура ахборот хизматига таяниб ЎзА хабар берган.

Аввал БЕВЕРЛее Бусинеес компаниясининг фирибгарликга асослангани ва ўз маҳсулотларини коронавирус инфекциясига даво сифатида пуллаётгани ҳақида хабарлар тарқалганди.

«БЕВЕРЛее Бусинеес масъулияти чекланган жамияти гўёки Японияда ишлаб чиқарилган маржон кальций биологик фаол қўшимчасини юздан ортиқ касалликларга, ҳатто кар, соқов, кўрликни ҳам тузатувчи шифобахш дори сифатида таништирмоқда. Telegram’даги «БЕВЕРЛее саломатлик академияси», «БЕВЕРЛее клуб қўшимча даромад» гуруҳларида «Активний коралловий кальций» ва «Коэнзим ҚҲ» биологик фаол қўшимчаларни 200 дан ортиқ дардга даво сифатида реклама қилиб, тармоқли бизнес йўли орқали сотмоқда. Аъзо бўлиш учун 390−400 АҚШ долларига 9 та маҳсулотни сотиб олиш лозим. БЕВЕРЛее Бусинеес вакиллари маҳсулот Олмаотадан келишини, аммо Японияда ишлаб чиқарилишини айтган. Ушбу жамоанинг Telegram саҳифаларида турли гуруҳлари мавжуд бўлиб, улар бир неча йиллардан бери сафларини кенгайтириб келмоқда», — дейилади мақолада.

Шунингдек, компания 120−300 нафар ҳамкор тўплаган вакилларига автомобиль совға қилишни ваъда берган. «Автомобильга эга бўлиш илинжида маржон кальцийини саратондан тортиб, соқовликни ҳам тузатиб юборишига харидорларни аниқроғи содда одамларни ишонтиришга тўғри келади», — дейилади мақолада.

ЎзА БЕВЕРЛее Бусинеес компаниясининг шубҳали фаолияти тўғрисида 2019 йилнинг декабрида ҳам таҳлилий мақола эълон қилганди. Бироқ шунга қарамай, компанияга нисбатан ҳеч қандай чора кўрилмаган.

Эслатиб ўтамиз, 2016 йил сентябрь ойида Ўзбекистонда пул маблағлари ва бошқа мол-мулкларни жалб қилиш бўйича ноқонуний фаолият олиб борганлик учун жиноий жавобгарлик белгиланган.

Пул маблағлари ёки бошқа мол-мулкларни жалб қилиш бўйича ноқонуний фаолият олиб бориш ҳамда бундай фаолиятга раҳбарлик қилиш ва шундай фаолият кўрсатилишини таъминлаш кўп миқдорда, такроран ёки хавфли рецидивист томонидан ОАВ ёки телекоммуникация тармоқлари ҳамда интернетдан фойдаланган ҳолда амалга оширилган бўлса, ЭКИҲнинг 300 дан 500 баробаригача жарима ёки 2 йилдан 3 йилгача ахлоқ тузатиш ишларига жалб этиш ёхуд 5 йилдан 7 йилгача озодликдан маҳрум этилишига сабаб бўлади.

Мазкур фаолият жуда кўп миқдорда, ўта хавфли рецидивист томонидан, уюшган гуруҳ томонидан ёки унинг манфаатларини кўзлаб содир этилган бўлса, 7 йилдан 10 йилгача озодликдан маҳрум қилиш билан жазоланади.