«Ювентус» Европа Чемпионлар Лигасининг сўнгги икки мавсуми плей-офф ўйинларида умумий ҳисобда 7 та гол урди.
«Кекса синьора»нинг 2018 йилдан кейинги Чемпионлар Лигаси плей-офф босқичларидаги барча голларига Криштиану Роналду муаллифлик қилди.
Ўтган мавсумда Роналду «Атлетико»га қарши жавоб учрашувида (3:0) ҳет-трик қайд этганди. Шунингдек, «Аякс»га қарши иккала ўйинда (1:1, 1:2) ҳам биттадан гол урган. Ўшанда Турин клуби чорак финал босқичида мусобақани тарк этган.
2019/20 йилги мавсумда эса португалиялик футболчи «Лион»га қарши жавоб учрашувида (2:1) дубль қайд этди. Бу сафар «Ювентус» 1/8 финалида ўз иштирокини якунлашга мажбур бўлди.
Қайд этиш жоиз, «Ювентус»нинг бошқа ҳеч қайси футболчиси Роналду жамоага келгач, Чемпионлар Лигаси плей-офф ўйинларида гол урмаган.
Мавзуга доир:
- Криштиану Роналду «Ювентус»да тарихий рекорд қайд этди
- Европада 2020 йилда энг кам вақт сарфлаб, энг кўп гол урган футболчилар рейтинги тузилди. Роналду топ-3 да, Месси эса топ-10 да ҳам йўқ
- Адебайор: «Реал» Роналдуни сотиб нимани йўқотганини яхши билади, бундай футболчилар 200 йилда бир марта пайдо бўлади