ПСЖ клуби бош мураббийи Томас Тухель жамоа машғулотлари вақтида жароҳат олди. Бу ҳақда клуб матбуот хизмати маълум қилди.
Мутахассиснинг болдир суяги билан товон суягини бириктирувчи бўғинда чиқиш кузатилган. Шунингдек, унинг оёқ кафти суяги синган.
12 август куни ПСЖ Чемпионлар Лигаси чорак финали доирасида «Аталанта» билан ўйнайди. Парижликлар матбуот хизмати Тухель мазкур ўйинда қатнашиш ёки қатнашмаслиги ҳақида маълумот бермаган.
Аввалроқ ПСЖ ҳимоячиси Левен Курзава ва ярим ҳимоячи Марко Верратти машғулотлар вақтида олган жароҳати боис сафдан чиққанди. Франция Кубоги финалида жароҳат олган Килиан Мбаппе эса яккалик машғулотларни бошлаган.
Мавзуга доир: Килиан Мбаппенинг жароҳати қай даража жиддий экани маълум бўлди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!