Адлия вазирлигининг «Ҳуқуқий ахборот» Telegram каналида ҳеч қаерда ишламайдиган шахсларнинг қанча алимент тўлаши ҳақида маълумот берилди.
Унга кўра, агар алимент тўловчи ишламайдиган бўлса ёки унинг иш ҳақи ва (ёки) даромадини тасдиқловчи ҳужжатлар тақдим қилинмаган бўлса, алимент қарзи ундирилаётган вақтда алимент Ўзбекистондаги ўртача ойлик иш ҳақи миқдори бўйича ҳисоблаб чиқилади.
Агар қарзни бундай белгилаш тарафлардан бирининг манфаатларига жиддий путур етказса, манфаатларига путур етказилган тараф судга мурожаат қилишга ҳақлидир.
Суд тарафларнинг моддий ва оилавий аҳволини ҳамда бошқа эътиборга лойиқ ҳолатларни инобатга олиб, қарзнинг пул билан тўланадиган қатъий суммасини белгилаши мумкин.
Аввал МИБ Тошкент шаҳрида 126 миллион сўмлик ҳамда 110 миллион сўмлик, Фарғонада карантин шароитида 38 миллион сўмлик ва Наманганда 40 миллион сўмлик алимент пулларини ундириб бергани хабар берилган эди.