Ижтимоий тармоқларда «Бир неча киши зўрлагани гумон қилинаётган 15 яшар қиз 6 ойлик ҳомиласидан ажради» сарлавҳаси остида чоп этилган мақола юзасидан Косон тумани прокуратураси томонидан терговга қадар текширув ўтказилди. Бу ҳақда Қашқадарё вилоят прокуратураси матбуот хизмати маълум қилди.
Аниқланишича, Косон тумани туғруқ комплекси томонидан 2020 йил 9 январь куни соат 00:30 атрофида вояга етмаган С.Б.нинг 21 ҳафталик ҳомиласи тушганлиги ҳақида маълум қилинган.
Олиб борилган терговга қадар текшириш давомида сўралган С.Б. ўз тушунтиришида 2019 йил 5 сентябрь куни «Арабхона» маҳалласидан ўтувчи йўлда ўзини «Беҳруз» деб таништирган шахс автомашинасига миндиргани, уни яхши кўришини айтиб, шу атрофдаги уйига олиб бориб, кийимларини мажбуран ечиб номусига текканлигини, қўрқиб қолгани сабабли ушбу ҳолат юзасидан ҳеч кимга мурожаат қилмаганлигини билдирган.
Тезкор суриштирув ишлари давомида «Беҳруз» деб таништирган шахс «Арабхона» маҳалласида яшовчи С.Қ. эканлиги аниқланган.
Мазкур ҳолат юзасидан ЖКнинг 118-моддаси 3-қисми «а» банди билан жиноят иши қўзғатилиб, ҳозирда Косон тумани ИИБ ТБ томонидан тергов ҳаракатлари олиб борилмоқда.
Изоҳ (0)