Хоразм вилояти Боғот туманининг Қипчоқ қишлоғида яшовчи 21 ёшли Ёқуббой Дўсметов сувга чўкаётган аёлнинг ҳаётини қутқариб қолгани ҳақида хабар берилган эди.
«Xabar.uz»нинг ёзишича, 10 январь куни вилоят ҳокими ўринбосари, вилоят хотин-қизлар қўмитаси раиси Гулсара Қурбанбаева ҳамда Боғот тумани ҳокими Ойбек Холбоевлар Ёқуббой Дўсметов ўсиб-улғайган хонадонга ташриф буюрган.
Маълум бўлишича, Ёқуббой ота-онаси билан Россияга ишга жўнаб кетган экан.
Мутасаддилар Ёқуббойнинг акасига ташаккурнома ва совғалар топширган.
Айнан шу куни Хоразм вилоят Фавқулодда вазиятлар бошқармаси матбуот хизмати раҳбари Шодлик Ҳасанов ҳам Дўсметовлар хонадонига келиб, бошқарма бошлиғи ташаккурномаси ва совғаларни тақдим қилган.
Шодлик Ҳасанов Ёқуббойнинг қариндошлари билан суҳбатда агар Ёқуббой хоҳласа, раҳбарият уни ФВБга ишга олишга тайёр эканини айтган.
«Ёқуббой Дўсметовнинг жасоратига Ёшлар иттифоқи Хоразм вилоят бўлими ёхуд Боғот тумани бўлими мутасаддилари томонидан ҳалигача бирор бир муносабат билдирилмаган», — дейилади хабарда.
Изоҳ (0)