13 декабрь куни эрталаб соат 9:30 ларда Қарағанда вилоятидаги «Қарағанда—Балхаш» автомол йўлида қарама-қарши тўқнашув натижасида Ўзбекистон фуқароси И.Й. ҳалок бўлди. Бу ҳақда Ўзбекистонннинг Қозоғистондаги элчихонаси маълумотига таяниб, Ташқи ишлар вазирлиги хабар берди.
Шунингдек, А.Й., В.К. ва Ҳ.А. жароҳатланиб, касалхонага ётқизилган. Уларнинг барчаси Қозоғистон ҳудудига Россиядан киришган.
Ушбу факт бўйича Қарағанда вилояти йўл полицияси тергов олиб бормоқда.
Элчихонанинг Консуллик бўлими вазиятни назоратга олган ва Қарағанда вилоятининг тергов органлари ва тиббий муассасалари билан алоқада бўлиб турибди.
Мавзуга доир: Қозоғистондаги ЙТҲда Ўзбекистон фуқароси ҳалок бўлди
Изоҳ (0)