26 октябрь куни соат 22:45 да Тошкентнинг Олмазор тумани ҳудудидан ўтувчи Кичик халқа йўлида аянчли йўл-транспорт ҳодисаси юз берди, деб хабар беради пойтахт ИИББ матбуот хизмати.
Шаҳар сил касалликлари шифохонаси яқинида 19 ёшли Nexia ҳайдовчиси бошқарувни йўқотиб, электр симлари устунига урилган.
ЙТҲ оқибатида ҳайдовчи тан жароҳатлари билан касалхонага етказилган. Кўрсатилган тиббий ёрдамга қарамай, у вафот этган.
«Автомобильнинг йўловчилари 19 ёшли Диёр К, Жавоҳир З ва Муҳаммадазиз А. тан жароҳатлари билан шифохонага ётқизилган. Уларга зарурий тиббий ёрдам кўрсатилмоқда», — дейилади хабарда.
Дастлабки маълумотларга кўра, ЙТҲ Nexia ҳайдовчисининг тезликни оширгани ҳамда унинг бошқарувни йўқотгани оқибатида юз берган.
Изоҳ (0)