Ўзбекистон Республикасининг дермотовенерология хизматини яхшилаш борасида олдинда турган долзарб масалалар қаторига тери ва таносил касалликларини текшириш ва даволаш стандартларини ишлаб чиқиш, барча босқичларда уларни тадбиқ этиш ва мустаҳкамлаш, компьютерлаштириш, диспансерлаш ва бошқалар киради.
Бу масалалар Ўзбекистон Республикаси Президенти Шавкат Мирзиёев томонидан ҳам давлат йиғилишларида таъкидлаб ўтилган. Шунинг асосида Вазирлар Маҳкамасининг 2017 йил 31 июлдаги №563 қарори «Ўзбекистон Республикасида 2017—2021 йилларда дермотовенерология хизматини яхшилаш чора-тадбирлари» қабул қилинди. Бунга асосан барча дермотовенерология хизмати ташкилотлари юқори технологияли асбоблар билан таъминланмоқда, мутахассис кадрларни тайёрлаш бўйича илмий мактаблар ташкил қилинмоқда, амалиётга эса илмнинг янги ютуқлари тадбиқ этилмоқда.
Бунинг натижасида Ўзбекистонда МДҲ давлатлари орасида илк бор халқ тилида оқ доғ деб аталадиган витилиго касаллигини жарроҳлик йўли билан даволаш йўлга қўйилди.
Юртимизда тиббиёт соҳасига қаратилаётган катта эътибор натижасида кўплаб ижобий ўзгаришлар, малака алмашиш учун етарлича шарт-шароитлар яратилмоқда. Биргина мисол, ҳар йили дермотовенерология ва тиббий косметологиянинг долзарб муаммолари ва ютуқларини муҳокама қилиш учун анъанавий ўзказиб келинадиган халқаро анжуман 6—7 сентябрь кунлари Тошкентда бўлиб ўтди.
Анжуманда Ўзбекистон, Россия, Қозоғистон, Руминия, АҚШ, Италия ва жаҳоннинг бошқа мамлакатларидан етакчи мутахассислар ташриф буюришади. Қатнашчилар бугунги кундаги дермотовенерология ва тиббий косеметология соҳасида амалга оширилаётган ишлар, янгиликларни муҳокама қилишади. Йилда бир маротаба ўтказиладиган бундай анжуманлар тиббиёт ривожида жуда муҳим ҳисобланади. Шунингдек, анжуманда Фармасевтик ва косметологик компаниялар, тест-тизими ишлаб чиқарувчилар ва дистрибюторлар, шунингдек тиббий ва лаборатория жиҳозлари кўргазмаси ҳам бўлиб ўтади.
Аслида касалликнинг яхшиси бўлмайди, уларнинг барчаси нохушлик олиб келади. Витилиго хасталиги эса дилни хира қилувчи касалликлар сафига киради. Халқ тилида «оқ доғ» номи билан тарқалган ушбу касаллик неча йиллардан бери инсонларни қийнайди. Касалликни даволувчи усуллар жуда кўп, халқ табобатида ҳам, тиббиётда ҳам кўплаб тажрибалар ўтказилган. Аммо бу инжиқ ҳасталикни бирданига тузатиб юбориш қийин. Бундай даволаниш усулидан бири малакали жарроҳлик амалиётидир ва у фақатгина жаҳоннинг бошқа ривожланган мамлакатларида амалга оширилар эди. Энди эса бу ўтмишга айланди. Давлатимиз раҳбарининг аҳолининг саломатлиги, соғлом турмуш тарзига кўрсатаётган катта эътибори ўлароқ бундай жарроҳлик амалиётини энди Ўзбекистонда ҳам амалга оширса бўлади.
Бундан ташқари Президентимиз топшириғи билан Республика ихтисослаштирилган Дермотоневрология ва косметология илмий-амалий тиббиёт марказида АҚШнинг Candella компанияси томонидан ишлаб чиқарилган Picoway va Vbeam Perfecta каби лазер технологиялари ёрдамида теридаги бошқа турдаги доғ ва нуксонларни бутунлай бартараф этиш имкони пайдо бўлди.
268 минг АҚШ долларига келтирилган бу лазер технологиялар дунё тиббиётида кенг фойдаланиладиган энг кучли ва сифатлиси ҳисобланади. Келтирилган замонавий тиббий анжомлар ёрдамида юздаги ва теридаги турли нуқсонлар, касалликлардан осонгина халос бўлиш мумкин.
Энди ҳеч қандай чоксиз, оғриқларсиз лазер технологиялар орқали касалликдан қутулиш имкони бор. Бундай янгилик нафақат соғлиқни сақлаш соҳасида катта ютуқ балки туризм соҳаси ривожига ҳам улкан ҳисса қўшади.
Авваллари беморлар ривожланган Европа мамлакатларига бориб бундай жарроҳлик амалиётини ўтаб қайтган бўлса МДҲ мамлакатлари аҳолиси энди Ўзбекистонга ташриф буюради. Бундай ҳаракатлар албатта Ўзбекистон имижини халқаро миқёсда янада юксалтиришга қўшилаётган бир қадамдир.
Маълумот учун
Манзил: Тошкент, Олмазор тумани, Фаробий кўчаси, Тошкент 100102
+99893 0010085
+99890 9352025
+99894 6374043
Реклама ҳуқуқи асосида.
