Украиналик сураткаш Роман Пилипей «Европа матбуот фотоагентлиги»нинг сўровига кўра, Хитой саноатининг бир қисмига айланиб бораётган тўй фотосессияларига оид суратларни эълон қилди.

Фото: Роман Пилипей / EPA

1. Россия ёки Европада келин-куёв тўйнинг ўзида суратга тушса, Хитойда суратга олиш жараёнлари никоҳ маросимидан анча аввал амалга оширилади.

Фото: Роман Пилипей / EPA

2. Келин ва куёв иштирокидаги фотосессия тўй маросимининг мажбурий босқичига айланиб бўлган. Бу каби суратга олиш жараёнлари бир неча ой ёки бир йил аввал амалга оширилади.

Фото: Роман Пилипей / EPA

3. Суратга олиш ишларини ташкиллаштириш билан шуғулланувчи компания ўз мижозларининг имкон қадар барча талабларини бажаради. Фотосессия ташкилотчилари макияж, тўй кастюмлари-ю либослари ҳамда транспорт масаласини ҳам ўйлаб қўйган. Транспорт — суратга тушиш учун мўлжалланган жойга қадар етиб олиш учун керак.

Фото: Роман Пилипей / EPA

4. Хитойнинг турли шаҳарларида жойлашган диққатга сазовор жойларида доим келин-куёвлар жуфтлигини учратиш мумкин.

Фото: Роман Пилипей / EPA

5. Тарихий жойларга қаноатланмайдиганлар фотостудияларга мурожаат қилиб, ўзларига хоҳлаган декорацияларга буюртма беради. Пули тўланса — чироқлар ҳам худди юлдуздек, ҳайвон тулуми ҳам худди ҳақиқийдек кўриниш беради.

Фото: Роман Пилипей / EPA

6. Келин-куёвлар асосан хутунлар — ҳозиргача сақланиб қолган ўрта асрларга оид харобаларда ҳам суратга тушади. Бу жойлар тарихий обидалар қаторига кирса-да, ҳамон у ерларда одамлар яшайди. Харобаларда яшайдиган маҳаллий аҳоли ҳар куни ўз кулбалари олдида суратга тушадиган келин-куёвларга ўрганиб қолган.

Фото: Роман Пилипей / EPA

7. Бойроқ жуфтликлар Париждаги Эйфель минораси ва дунёнинг бошқа диққатга сазовор жойларида суратга тушади. Бунга пули етмайдиганлар эса шунга мос декорацияга эга студияларни қидиради. Хитойлик сураткашларда «сохта Париж», ҳатто кхмерларнинг Ангкор-Ват ибодатхонаси ҳам топилади.

Фото: Роман Пилипей / EPA

8. Кўпчилик Хитойнинг деярли барча қисмида учрайдиган чиройли ландшафтлар ёнида суратга тушишни маъқул кўради. Айримлар Тайван бўғозидаги Гуланьюй оролига борса, қолганлар Юньнань жануби-ғарбидаги Эрхай тоғ кўлига боради.

Фото: Роман Пилипей / EPA

9. Тўй олди фотосессиялари бир неча юз долларга тушади. Айрим ҳолларда «love story»лар минг долларгача ҳам бориши мумкин. Барчаси мижознинг талабига боғлиқ бўлади.

Фото: Роман Пилипей / EPA

10. Одатда фотосессия давомида келинлар камида уч маротаба кийим алмаштиради. Аввалига улар оқ келин кўйлакда суратга тушса, шундан сўнг қизил рангли анъанавий Хитой либосини кияди. Охирида эса замонавий мода либосларида суратга тушади.

Фото: Роман Пилипей / EPA