Хушнудбек Худойбердиевнинг ёзишича, сентябрь ойи бошланганига қарамай, қуйидагилар ҳали ҳам расман аниқ эмас:
- Магистратурага кириш имтиҳонларининг якуний жавоблари;
- Бакалаврда ижодий имтиҳон талаб этиладиган йўналишларнинг якуний жавоблари;
- Хориждан ўқишини кўчираётган талабалар учун айрим йўналишлар бўйича ўтиш баллари (масалан, соғлиқни сақлаш, юриспруденсия, аграр ва ҳоказо);
- Оддий контракт миқдорлари (1 сентябрдан энг кам ойлик иш ҳақи атамаси бекор бўлди, энди контрактлар қандай белгиланиши ҳалигача маълум эмас);
- Супер-контракт миқдорлари;
- Учта йўналишни танлаганлар учун супер-контрактга қабул қилишнинг тартиби (учаласидан ҳам йиқилганлар учта йўналишдан исталган бирини танлай оладими ё йўқ? Мантиқан олганда, танлай олиши керак);
- Контрактни стипендиядан воз кечган ҳолда арзонроқ тўлаш тартиби.
- Тиббиёт коллежларига қабул ҳалигача бошланмади;
- Янги ўқув йили бошланишига бир кун қолди, лекин келаси йили бешта фандан бўладиган имтиҳонлар тартиби маълум эмас.
«Шунча нарса ҳавода осилиб турган бир пайтда, мутасаддилар кечқурун қанақа қилиб хотиржам ухлашяпти, ҳайронман... Қизиқ-а, эртага янги ўқув йили бошланади, лекин ўқишга ким кирган, ким кирмагани ҳали аниқ эмас», — деб қўшимча қилган у.
Эслатиб ўтамиз, Ўзбекистон олий таълим муассасаларида 2019/2020-ўқув йили 4 сентябрдан бошланади.
Изоҳ (0)