Xushnudbek Xudoyberdiyevning yozishicha, sentabr oyi boshlanganiga qaramay, quyidagilar hali ham rasman aniq emas:
- Magistraturaga kirish imtihonlarining yakuniy javoblari;
- Bakalavrda ijodiy imtihon talab etiladigan yo‘nalishlarning yakuniy javoblari;
- Xorijdan o‘qishini ko‘chirayotgan talabalar uchun ayrim yo‘nalishlar bo‘yicha o‘tish ballari (masalan, sog‘liqni saqlash, yurisprudensiya, agrar va hokazo);
- Oddiy kontrakt miqdorlari (1-sentabrdan eng kam oylik ish haqi atamasi bekor bo‘ldi, endi kontraktlar qanday belgilanishi haligacha ma’lum emas);
- Super-kontrakt miqdorlari;
- Uchta yo‘nalishni tanlaganlar uchun super-kontraktga qabul qilishning tartibi (uchalasidan ham yiqilganlar uchta yo‘nalishdan istalgan birini tanlay oladimi yo yo‘q? Mantiqan olganda, tanlay olishi kerak);
- Kontraktni stipendiyadan voz kechgan holda arzonroq to‘lash tartibi.
- Tibbiyot kollejlariga qabul haligacha boshlanmadi;
- Yangi o‘quv yili boshlanishiga bir kun qoldi, lekin kelasi yili beshta fandan bo‘ladigan imtihonlar tartibi ma’lum emas.
“Shuncha narsa havoda osilib turgan bir paytda, mutasaddilar kechqurun qanaqa qilib xotirjam uxlashyapti, hayronman... Qiziq-a, ertaga yangi o‘quv yili boshlanadi, lekin o‘qishga kim kirgan, kim kirmagani hali aniq emas”, — deb qo‘shimcha qilgan u.
Eslatib o‘tamiz, O‘zbekiston oliy ta’lim muassasalarida 2019/2020-o‘quv yili 4-sentabrdan boshlanadi.
Izoh (0)