Бугун,

  • USD 11095.31
  • RUB 173.84
  • EUR 10772.44

Шу йил апрель ойи охирида Uzbekistan Airways Сингапурга учишни тўхтатди, деб ёзади «Халқ сўзи Online».

Фото: «Халқ сўзи Online»

Фото: «Халқ сўзи Online»

Авиакомпания 2014 йил апрелидан бошлаб ушбу мамлакага рейсларни йўлга қўйганди. UzAirways самолётлари Тошкент — Куала-Лумпур — Сингапур — Тошкент ва Тошкент — Сингапур — Куала-Лумпур — Тошкент йўналишларида парвозларни амалга оширган.

Сингапурга охирги рейс шу йил 26 апрель куни бўлган. Uzbekistan Airways ўша график бўйича ҳафтасига икки марта Куала-Лумпурга учишда давом этиб, фақат Сингапурни Индонезия пойтахти Жакартага алмаштирган эди.

Дастлабки натижалар Индонезиядан Ўзбекистонга яшриф буюраётган туристлар сони ошганини кўрсатяпти.

Туризмни ривожлантириш давлат қўмитаси маълумотларига кўра, май ойида Ўзбекистонга Индонезиядан 172 нафар сайёҳ келган. Бу ўтган йилнинг шу давридагига нисбатан 41 фоизга кўпдир.

Сингапурга рейс йўқ бўлишига қарамай, ушбу шаҳар-давлатдан мамлакатга келувчилар сони бор-йўғи 6,3 фоиз камайган — 2019 йил май ойида 118 нафар, 2018 йил май ойида эса 126 нафар турист.

2018 йилда Сингапур (1782 нафар) Ўзбекистонга сайёҳлар оқими бўйича Индонезия(1589)ни ортда қолдирганди. Ваҳолонки, Индонезиянинг аҳолиси қарийб 269 миллион бўлса, Сингапурники бор-йўғи 5,8 миллиондир.

Аҳолининг умумий сони фоизларда ҳисоблаб чиқилса, Сингапур Индонезияни Ўзбекистонга келадиган туристлар сони бўйича бир неча марта ортда қолдирмоқда ва бу жараён тўғридан тўғри рейслар ёпилишига қарамай давом этяпти.

Изоҳ
Asosiy yangiliklar
Маслаҳатлар
Трикотаж кийимларга зарар етказмасдан қандай ювиш мумкин?
Маҳаллий
Навоийда 454 нафар фуқаронинг банк карталаридаги пулларни ўзлаштирган жиноий гуруҳ қўлга олинди
Дунё
Politico нашри Зеленскийни энг нуфузли европалик, Путинни эса йилнинг энг омадсиз одами деб эълон қилди