2 июлнинг эътиборга молик янгиликлари — «Дарё» дайжестида.
ТАТУ талабаси ёзги таътил даврида ўз уйида ваҳшийларча ўлдириб кетилди.
Муҳаммад ал-Хоразмий номидаги Тошкент ахборот технологиялари университети Компьютер инжиринги факультети иккинчи босқич талабаси А.Ш. 28 июнь тонгги соат 3:45 ларда номаълум икки фуқоро томонидан ўз хонодонида ваҳшийларча пичоқланиб кетилган. Натижада А.Ш. воқеа жойида вафот этган.
***
ФВВ 3 июль куни Тошкент, Жиззах, Андижон, Наманган ва Фарғона вилоятларининг тоғ ва тоғолди ҳудудларида сел келиши хавфи мавжудлигини маълум қилди.
Вазирлик эҳтиёт чораларини кўришга, ҳамда авария ва бошқа нохуш ҳолатлар вужудга келганда, ФВВнинг 10-50 рақамига мурожаат этишга даъват қилди.
***
Россия ҳарбий-денгиз флотининг 14 нафар сувости денгизчилари илмий-тадқиқот чуқур сувости аппаратида юз берган ёнғин оқибатида ҳалок бўлди.
Кейинроқ 14 нафар сувости денгизчилари ёнғин оқибатида ҳалок бўлган Россия аппарати «Лошарик» сифатида маълум бўлган AС-12 атом чуқур сувости кемаси эканлиги хабар қилинди.
***
Бухорога зиёратга келиб, ҳовузга чўккан болани миллий гвардиячи қутқариб қолди.
Ота-онаси қаровисиз қолган бола «Биби Орифа» масжиди ҳовлисида жойлашган ҳовуз бўйига келган ва оёғи сирпаниб кетиши оқибатида ҳовуз ички қисмига тушиб кетган.
***
Олмалиқда иккита олтин кони очилади.
Олмалиқ кон-металлургия комбинатида таркиби олтинга бой рудаларни қазиб олиш бўйича иккита инвестициявий лойиҳа амалга оширилмоқда.
Изоҳ (0)