Бугун,

  • USD 11095.31
  • RUB 173.84
  • EUR 10772.44

«Кулол ва Хурмача» фильмидаги Хурмача роли билан мухлисларга яхши таниш бўлган актёр ва режиссёр  Аброр Турсунов ҳақида ижтимоий тармоқларда «қаровсиз, ёрдамга муҳтож, жуда аянчли аҳволда» мазмунидаги хабарлар тарқалди.

Фото: «Дарё»

Фото: «Дарё»

Ушбу хабарларга ойдинлик киритиш мақсадида «Дарё» мухбири Феруз Муҳаммад ҳамда журналист ва телебошловчи Шоҳира Ҳамро Аброр Турсуновнинг хонадонида бўлиб, актёр билан суҳбатлашишди.

Фото: «Дарё». Журналист Шоҳира Ҳамро, актёр Аброр Турсунов, журналист Феруз Муҳаммад.

Фото: «Дарё». Журналист Шоҳира Ҳамро, актёр Аброр Турсунов, журналист Феруз Муҳаммад.

Суҳбат давомида актёр ижтимоий тармоқларда икки маротаба вафот этди дея ёлғон хабарлар чиққани, нима сабабдан кино оламида фаолият юритмаётгани ҳақида гапириб берди.

Қизиқ воқеа бўлган. Бир куни уйимизга раҳматли Обид Юнусов келди. ‘Ҳа Обид ака, тинчликми’, десам, ‘сенга фотиҳа ўқигани келдим’, дедилар. ‘Қаердан эшитдингиз’, деганимда, ‘менга Мирзабек Холмедов айтди’, дедилар. ‘Соғ экансан, саломат экансан, умринг узоқ бўлади’, деб кетдилар.

Ундан сўнг интернетга ‘яна бир марта ўлди’, деб ёлғон хабар тарқатишди. Санъатда кўринмасангиз шунақа бўлиб қоларкан-да. ‘Ўлди, йўқ бўлиб кетди, касал ётибди’, дейишар экан.

Аброр Турсунов, актёр

Актёр Аброр Турсунов санъатдан, кинодан узоқлашиши сабабини қуйидагича изоҳлади.
Авваламбор, касал бўлдим. Инсульт бўлдим. Бўйнимнинг икки томонидан томир олишди. Оёғимдан томир олиб, бўйнимга қўйишди. Бу ҳаммаси нотўғри овқатланиш ва сиқилишдан келиб чиқар экан.

Аброр Турсунов, актёр

«Дарё» мухбири Феруз Муҳаммаднинг маълумотларига қараганда, актёр ва режиссёр Аброр Турсунов ҳақида ижтимоий тармоқларда тарқалган маълумотлар асоссиз бўлиб, актёр бугунги кунда аёли, фарзандлари ва неваралари ардоғида яшамоқда.

Изоҳ
Асосий янгиликлар
Маҳаллий
Самарқандда ўқувчининг онаси «замдиректор»ни калтаклади
Маҳаллий
Ўзбекистонда ногиронлиги бор инсонлар учун шароит қандай? — «Дарё»да кичик сўровнома
Спорт
Ўзбекистон ампутантлар терма жамоаси футболчиларига Cobalt автомобиллари топширилди