Бугун, 17 май куни Беларусь ҳарбийлари «Жанговар ҳамдўстлик—2019» ҳамкорликдаги машғулотларида иштирок этиш учун Беларусь армиясининг Ҳарбий-ҳаво кучларига қарашли Ил-76мд ҳарбий-транспорт самолётида Фарғона аэропортига етиб келди. Бу ҳақда «Дарё»га Мудофаа вазирлиги матбуот хизмати хабар берди.
22 нафар Беларусь ҳарбий хизматчиси полковник Олег Костромин бошчилигида 20—27 май кунлари Наманган вилоятидаги «Ғурумсарой» полигонида ўзбекистонлик мутахассислар билан ўтказиладиган ҳамкорликдаги махсус-тактик ўқув машғулотларида қатнашади.
Ушбу ўқув машғулотлари Ўзбекистон ва Беларусь ўртасида хавфсизлик соҳасидаги ҳамкорликни янада ривожлантириш бўйича амалий ҳаракатлар режасига асосан ташкил этилмоқда.
