Нотр-Дам учун бир миллиард евро йиғилди

Париж соборини тиклаш мақсадида йиғилаётган маблағ миқдори бир миллиард еврога етди, дея хабар беради «Корреспондент.net».

Маблағлар асосан йирик компаниялар ва ишбилармонлар, шунингдек, Франциянинг Маданият вазирлиги томонидан танлаб олинган тўртта жамоат фонди орқали келиб тушмоқда.

Ҳозирда Нотр-Дам-де-Пари соборини тиклаш учун хайрия қилиш мумкин бўлган онлайн интернет портал ишга туширилган.

Эслатиб ўтамиз, 15 апрель куни Нотр-Дам соборидаги кучли ёнғин 12 соатдан ортиқ давом этган. Бино жиддий зарар кўрган: унинг шпили, томи ва устунлари қулаб тушган.

Ёнғинда икки нафар полициячи ва битта ўт ўчирувчи яраланган, воқеа жойида деярли 400 киши ишлаган.